Edukazzjoni
AĠĠORNAT: L-MUT b’direttivi għall-counsellors, il-Ministeru jwieġeb

Il-union tal-għalliema MUT ħabbret sett ta’ direttivi li jidħlu fis-seħħ min-nhar it-Tnejn li ġej, u li jolqtu lill-counsellors, career advisers, youth workers, resource workers, u oħrajn.

Fi stqarrija l-MUT qalet li ħarġet dawn id-direttivi, wara li kien ingħata ultimatum lill-Ministeru għall-Edukazzjoni u lis-Segretarjat għall-Edukazzjoni Kattolika biex itejbu l-kundizzjonijiet ta’ dawn il-ħaddiema.

L-MUT qalet li n-nuqqas ta’ rikonoxximent mill-awtoritajiet lejn dawn il-professjonijiet qed iwassal għadd ta’ ħaddiema biex jirriżenjaw, bil-konsegwenza li l-iskejjel qed ibatu minn nuqqas ta’ staff, u għalhekk il-bżonnijiet tal-istudenti mhux qed jiġu indirizzati.

Id-direttivi jinkludu, iżda mhumiex limitati, għal waqfien ta’ xogħol fuq l-iskema My Journey, l-ebda sottomisjonijiet ta’ rapporti, l-ebda komunikazzjoni mal-management, u l-ebda ħidma fuq każijiet ġodda.

Intant, il-Ministeru għall-Edukazzjoni u x-Xogħol qal li l-MUT baqgħet m’aċċettatx il-proposti li ressaq il-Ministeru biex l-impjegati tas-support services jibbenefikaw minn pakkett finanzjarju aħjar minn dak attwali. Qal li l-impjegati jistgħu jgawdu minn avvanzi fil-karriera f’inqas snin minn kif propost mill-MUT, u jgawdu minn avvanzi fi skali ġodda li sal-lum ma jilħquhomx.

Qal ukoll li jistgħu jgawdu wkoll minn allowance ġdida tal-klassi li tvarja bejn €1,000 u €1,500 fis-sena, u minn allowance oħra għall-iżvilupp li tvarja bejn €625 u €725 fis-sena.

Il-Ministeru żied jgħid li bl-azzjonijiet tal-MUT se jintlaqtu każijiet serji ġodda t’abbuż, suwiċidju, każijiet ta’ natura psikoloġika u emozzjonali u oħrajn, u għalhekk talbet lill-union tikkunsidra mill-ġdid id-direttivi.

Aħbarijiet Oħra
Relazzjonijiet Industrijali

Il-President tal-Union tal-Infermiera u l-Qwiebel, Paul Pace, qal lil TVM li jista’ jkun hemm żblokk ma’ Steward Healthcare biex l-MUMN tkun tista’ tneħħi d-direttivi ta’ azzjonijiet industrijali lill-carers fl-isptar Karen…

Politika

Il-President George Vella llum iltaqa’ mal-President tal-Awstrija; Alexander Van der Bellen, waqt li qiegħed għal żjara fl-Awstrija. Il-President Awstrijakk tkellem dwar ir-rabtiet b’saħħithom bejn iż-żewġ pajjiżi u kif dawn komplew…

Kultura

Illejla qed jiġi inawgurat il-presepju tradizzjonali Malti fi Vjenna. Dan il-presepju se jkun esibit f’wieħed mill-ikbar swieq tal-Milied fl-Ewropa. Wara li kien għall-wiri fil-Pjazza tal-Vatikan fl-2016, fil-Pjazza tal-Maxtura f’Betlem fl-2017…

Kultura

Tela’ s-siparju fuq id-disa’ edizzjoni tal-Festival Żigużajg, li ser isir fuq medda ta’ għaxart ijiem. Din is-sena mal-130 artist qed jieħdu sehem f’numru ta’ proġetti artistiċi, li fi kliem id-Direttur…

Aktar