Edukazzjoni
L-MUT b’ultimatum lill-Gvern dwar assikurazzjoni għall-edukaturi

Wara li l-ġimgħa li għaddiet l-Unjin għall-Infirmiera u l-Qwiebel tkellmu dwar il-bżonn ta’ assikurazzjoni għall-infirmiera tagħha, issa l-Unjin għall-Għalliema tat ultimatum lill-Gvern, biex dan jipprovdi assikurazzjoni għall-edukaturi.

Fi stqarrija l-MUT qalet li għal snin twal il-pożizzjoni tal-Gvern kienet li ma jassikurax lil Uffiċjali Pubbliċi. Saħqet iżda li żviluppi riċenti wrew kif il-Gvern biddel il-pożizzjoni tiegħu, u issa qed joffri din l-assikurazzjoni lil impjegati speċifiċi.

L-MUT qalet li minkejja li bagħtet imejls lill-Mnisteru dwar dan, baqgħet mingħajr tweġiba. B’hekk poġġiet tat ultimatum għall-25 ta’ Novembru ta’ din is-sena, bit-tama li l-Ministeru jiftaħ diskussjonijiet dwar il-provvista ta’ assikurazzjoni għall-edukaturi. Saħqet li jekk ma jibdewx dawn id-diskussjonijiet, se tittieħed azzjoni industrijali.

L-Unjin tal-Għaliema qed tagħmel dan wara li l-Ministeru għall-Intern u s-Sigurtà Nazzjonali provda b’assikurazzjoni simili lill-ħaddiema tal-Protezzjoni Ċivili u lill-gwardjani tal-Ħabs. Mal-MUMN ukoll, jidher li l-Gvern leħaq qbil għal polza simili, minkejja li din ma mmaterjalizzatx.

Aħbarijiet Oħra
Ikel

Il-Ministru tat-Turiżmu Julia Farrugia Portelli qalet li l-industrija tat-turiżmu evolviet minn waħda msejsa fuq l-għoti tas-servizzi bażiċi għat-tkattir tal-industrija b’aċċenn fuq il-kwalità. Waqt li inawgurat is-seminar tar-rivista speċjalizzata tal-ospitalità Horeca…

Lokali

Xogħol grupp ta’ ħaddiema ta’ entità governattiva hu f’ambjent mistkerraħ minn ħafna . . . taħt l-art . . . fis-sistemi minn fejn jgħaddi d-drenaġġ tar-residenzi u l-industrija. Dan l-ambjent…

Lokali

L-ex Chairman tal-Aworità għas-Servizzi Finanzjarji, il-Professur Joe Bannister, xehed quddiem l-inkjesta pubblika dwar il-qtil ta’ Daphne Caruana Galizia. Il-Professur Bannister qal fi snin li għamel bħala Chairman tal-MFSA qatt ma…

Aktar