Barranin
L-omm għandha dritt tagħżel ma treddax

Il-qwiebel tal-Royal College qalu li l-omm għandha d-dritt tiddeċiedi treddax jew le lit-tarbija tagħha.

L-għaqda qalet li, wara li l-ommijiet jingħataw l-informazzjoni, is-sapport u l-pariri kollha, huma għandhom id-dritt jagħżlu kif għandhom jisqu lit-trabi tagħhom jekk hux bil-ħalib naturali jew bil-ħalib tat-trab.

Anke jekk il-ħalib tal-omm huwa l-aqwa li qatt jista’ jingħata lit-trabi, xi kultant, l-omm, għal diversi raġunijiet ma tkunx tista’ tipproduċi jew tisqi lit-tarbija b’ħalib naturali.

Skont in-National Childbirth Trust, bosta nisa jispiċċaw taħt pressjoni sħiħa biex ireddgħu lit-tarbija tagħhom. Huwa għalhekk li l-għaqda tal-qwiebel qalet li wara li jingħata l-għarfien xieraq, l-ommijiet għandhom jitħallew fil-libertà jagħżlu li jħossuhom komdi jagħmlu.

L-għaqda temmen li l-għażla li tagħmel l-omm għandha dejjem tiġi rrispettata għax ħadd ma jkun jaf minn xiex tkun għaddejja jew minn xiex għaddiet l-omm.

Aħbarijiet Oħra
Barranin

Mill-inqas 8 persuni ndarbu wara li pakkett suspettat b’bomba sploda fiċ-ċentru tal-belt Franċiża ta’ Lyon. Lyon hi t-tielet l-ikbar belt fi Franza. Il-Pulizija ssiġillaw ix-xena tal-inċident u bħalissa fuq il-post…

Unjoni Ewropea

Wara li lbieraħ bdew jivvutaw l-Ingliżi u l-Olandiżi, illum kien imiss lill-Irlandiżi u ċ-Ċeki biex joħorġu jivvutaw biex jaħtru d-deputati Ewroparlamentari. Fir-Repubblika Ċeka l-votazzjoni maqsuma fuq jumejn bil-għan li t-turnout…

Barranin

Is-sajf fl-Italja mistenni jkun ikkaratterizzat minn temp estrem, b’perjodu ta’ nixfa u xita qalila. L-esperti tat-temp fl-Italja ltaqgħu dan l-aħħar f’Ruma u qed ibassru li l-istaġun sajfi se jkun kemmxejn…

Barranin

Raġel fl-Istati Uniti ġie arrestat wara li mara rrapportat lill-Pulizija li kien għaddiha biż-żmien u ħadilha $80,000. L-arrestat huwa John Martin Hill ta’ 35 sena, bil-mara tgħid li kienet iltaqgħet…

Aktar