L-Ordni ta’ Malta tagħti vann u klinika ta’ emerġenza għall-immigranti fil-Marsa

L-immigranti residenti fiċ-Ċentri Miftuħa tal-Marsa u Ħal Far li jgħoddu aktar minn 600 se jkunu jistgħu jagħmlu użu minn vann u clinic ta’ emerġenza. Il-preżentazzjoni taż-żewġ vetturi saret mill-Prinċep tal-Gran Ospitalier tal-Ordni ta’ Malta lill-Gvern Malti u ser jintużaw mill-aġenzija tal-gvern l-AWAS li fost oħrajn tmexxi ċ-ċentri miftuħa tal-immigranti.

L-aġenzija tal-Gvern għall-Ħarsien għall-Persuni li qed ifittxu l-Ażil, l-AWAS, ingħatat vann u klinika mobbli biex jintużaw għall-immigranti. Il-vann se jintuża biex iġorr l-immigranti għal diversi ħtiġijiet tagħhom. Il-clinic ta’ emerġenza se jintuża f’każijiet ta’ emerġenza fiċ-ċentri miftuħa kif ukoll jekk ikollna wasliet ta’ immigranti.

L-għotja saret mill-Ordni tal-Kavallieri ta’ Malta wara ftehim li sar mal-Ministru għall-Affarijiet Barranin George Vella.

Il-Ministru Vella qal, “L-iskop kien fil-bidu biex meta kienu jiġu ħafna immigranti bil-baħar f’Xatt it-Tiben, ikollna post diċenti fejn l-immigranti jingħataw l-ewwel għajnuna medika biex tkun taf jekk humiex każ ta’ urġenza jew le. Imma llum bħalma tafu il-pattern tbiddel, m’għadx hemm il-kwantitajiet ġejjin f’pajjiżna bil-baħar però hemm il-bżonnijiet f’dawn l-open centers.”

Il-preżentazzjoni taż-żewġ vetturi saret mill-Gran Ospitalier fl-Ordni ta’ Malta, il-Prinċep Dominique de la Rocherfoucauld de Montbel. Huwa qal li din l-għotja hija sinjal ta’ solidarjetà ma’ Malta u tar-relazzjonijiet tajba mal-Gvern Malti.

Aħbarijiet Oħra
Partit Nazzjonalista

Il-Kap tal-Oppożizzjoni u tal-Partit Nazzjonalista Adrian Delia qal li jkun xi jkun ir-riżultat tal-elezzjonijiet tal-Parlament Ewropew u l-Kunsilli Lokali, huwa u sħabu kommessi li jaħdmu aktar qalb in-nies li mhux…

Partit Laburista

F’Mass rally il-Birgu, il-Prim Ministru u Mexxej Laburista Joseph Muscat qal li l-għażla ta’ nhar is-Sibt li ġej mhix bejn l-aħmar u l-blu, imma dik bejn li tmur lura jew…

Passatemp

Eluf ta’ key chains taħt saqaf wieħed, huma l-mimmi t’għajnejn Ġorġ Borġ, li faċilment jista’ jingħad li għandu l-ikbar kollezzjoni tagħhom f’Malta. Qatt ma xtara waħda, iżda huwa kburi li…

Aktar