Lokali
Malta tappoġġja direttiva tal-UE li titfa’ piż fuq l-intermedjarji biex kumpaniji ma jevadux it-taxxa

Fil-Kunsill tal-Ministri tal-Finanzi, Malta qablet ma’ regoli ġodda biex il-pajjiżi Ewropej jissikkaw iċ-ċinturin fuq l-evażjoni tat-taxxa mill-kumpaniji. Il-Ministru Edward Scicluna li attenda għal-laqgħa tal-Kunsill, qal lil TVM li Malta ipprotestat għall-mod kif il-ġimgħa li għaddiet issemmiet mill-Kummissarju Ewropew Pierre Moscovici dwar l-evażjoni tat-taxxa u ċċarat il-pożizzjoni tagħha f’dan ir-rigward.

Malta appoġġjat emendi għad-direttiva tal-Unjoni Ewropea li tindirizza l-evażjoni tat-taxxa. Il-Ministru tal-Finanzi Edward Scicluna qal li Malta hija kontra l-evażjoni tat-taxxa u għalhekk qablet li tadotta din id-direttiva li teżiġi obbligi ġodda fuq l-intermedjarji finanzjarji li jużaw prattiċi esaġerati biex il-klijenti tagħhom jiffrankaw it-taxxa.

Edward Scicluna qal li “hawnhekk aħna ftehmna li se nagħmluha illegali għall-banek, accountants, brokers, tax advisors, li jagħtu pariri li b’mod aggressiv, għax li tagħti pariri ta’ kif timminimizza t-taxxa ma jimpurtax, imma li fit-tranżazzjonijiet bejn żewġ pajjiżi tilgħabhom kontra xulxin biex dik il-kumpanija ma tħallasx taxxa, min jagħti l-pariri se jkun illegali u Malta qablet ma’ dan il-prinċipju.”

Il-Ministri Ewropej tal-Ekonomija u l-Finanzi qablu li l-gvernijiet Ewropej jimponu penali fuq intermedjarji li ma jkunux konformi mal-miżuri ta’ trasparenza.

Dan l-iżvilupp seħħ ftit jiem biss wara li l-Kummissarju għall-Affarijiet Ekonomiċi Pierre Moscovici semma lil Malta ma’ sitt pajjiżi li qal qed jippermettu lill-kumpanji jagħmlu pjan aggressiv biex jiskartaw it-taxxa. Il-Ministru Scicluna wera diżappunt b’din l-attitdini tal-Kummissarju Moscovici.

“Malta ma’ 6 pajjiżi oħra ipprotestat mal-Kummissarju Moscovici li dan huwa l-mod kif għandna nimxu billi ssib ftehim u mhux billi jitgħajjru u jsemmu l-pajjiżi. Naħseb dan il-messaġġ wasal ċar għax is-7 pajjiżi li ssemmew għamlu l-punt tagħhom” qal il-Ministru Scicluna.

Il-pajjiżi kollha tal-Unjoni Ewropea ntrabtu li jadottaw l-emendi ġodda kontra l-evażjoni tat-taxxa sal-aħħar tas-sena.

Ara l-kumment sħiħ tal-Ministru Edward Scicluna

Ara wkoll:

Il-Kummissjoni Ewropea tikkonferma l-andament ekonomiku pożittiv li għaddejja minnu Malta

Aħbarijiet Oħra
Ġurnali

In-Nazzjon: Fuq il-faċċata, kif qed jagħmlu ħafna mill-ġurnali tal-lum, ritratt tal-Prim Ministru Ingliża Theresa May li lbieraħ irnexxielha ssalva minn vot ta’ sfiduċja kontriha fil-partit konservattiv b’200 vot favur u…

Lokali

Matul il-ġurnata il-PBS se jiftaħ il-bibien tiegħu għas-segwaċi tal-programmi tat-tv u tar-radju biex ikollhom l-opportunità jaraw l-istudjos minn fejn jixxandru l-programmi u jiltaqgħu mal-preżentaturi u atturi li tant jammiraw. Fosthom…

Kronaka

Żewġt irġiel indarbu meta ttajru minn vettura f’B’Kara. L-inċident seħħ għall-ħabta tas-1.30am, bil-Pulizija ġiet infurmata li kien hemm bżonn l-assistenza tagħha fi Triq Dun Karm, Birkirkara. Il-Pulizija tad-Distrett marru fuq…

Kronaka

Raġel sofra minn ġrieħi gravi wara li kien involut f’inċident tat-traffiku fir-Rabat. L-inċident seħħ illum għall-ħabta tal-5.30pm fi Triq Sqaq iċ-Ċawla. Mill-ewwel stħarriġ tal-Pulizija jirriżulta li seħħet ħabta bejn żewġ…

Aktar