Lokali
L-Uffiċċju tas-Segretarju Permanenti Ewlieni jgħid li Theuma ma kellux impjieg mas-Servizz Pubbliku

L-Uffiċċju tas-Segretarju Permanenti Ewlieni qal li minn verifika li saret ma jirriżultax lil Melvin Theuma kellu impjieg mas-Servizz Pubbliku.

B’referenza għal rapporti dwar ittra li allegatament inkitbet minn Melvin Theuma fejn ingħad li huwa ngħata impjieg mal-gvern, intqal li s-Segretarju Permanenti Ewlieni ordna li ssir verifika fir-rekords ta’ ingaġġ mal-gvern, fejn instab li l-isem ta’ Melvin Theuma ma jiffigurax ma’ dawk li kienu impjegati mas-Servizz Pubbliku.

L-Uffiċċju tas-Segretarju Permanenti Ewlieni qal li llum stess qed jerġa’ jsir verifikar mill-ġdid tad-data kollha filwaqt li ntalbu wkoll ir-rekords kollha tal-impjiegi mill-entitajiet kollha governattivi.

Intqal li r-riżultati ta’ dan l-istħarriġ se jkunu ppreżervati biex ikunu disponibbli għal kull investigazzjoni kurrenti jew futura.

Temm jgħid li l-pulizija ġiet mgħarrfa dwar dan.

Aħbarijiet Oħra
Politika

Il-Kap tal-Oppożizzjoni u tal-Partit Nazzjonalista Adrian Delia, qal li l-każ tal-qtil ta’ Raymond Caruana kien strumentali għall-matura fil-pajjiż. Dr Delia kien qed jitkellem f’attività fil-Gudja li fakkret it-33 anniversarju mill-qtil…

Qorti

Libjan ta’ 41 sena residenti x-Xagħra inżamm arrestat wara li ġie akkużat li nhar it-Tlieta li għadda, kien kompliċi ma’ persuna oħra f’attentat ta’ serq. Il-każ seħħ għall-ħabta tas-sitta ta’…

Qorti

Raġel ta’ 28 sena mil-Libja nżamm arrestat, wara li kien akkużat b’serq u li weġġa’ ħafif pulizija. Ir-raġel, li jgħix ir-Rabat, Għawdex, kien akkużat li fit-3 ta’ Diċembru, għall-ħabta tal-5.20pm,…

Aktar