Stejjer Umani
L-unika kilwa li għandi qed taħdem aħjar minn meta kelli tnejn – donatur ħaj ta’ kilwa

Is-sena li għaddiet kien hawn 5 donaturi ħajjin tal-kliewi.  Dan joħroġ minn ċifri uffiċjali li juru li fl-2018 saru 18-il trapjant tal-kliewi f’Malta.

Saru wkoll 10 trapjanti tal-kornea s-sena l-oħra filwaqt li ma saru ebda trapjanti tal-qalb.  Dawn huma t-tliet tipi ta’ trapjanti li jsiru f’Malta, filwaqt li l-awtoritajiet tas-saħħa għandhom diversi ftehimiet ma’ sptarijiet barranin għal trapjanti ta’ organi oħrajn.

Id-Direttur għad-Direttorat għall-Istandards għall-Kura tas-Saħħa Patricia Galea qalet lil Insights li kemm ilha nkarigata mir-Reġistru Nazzjonali tal-Organi, is-sena li għaddiet kellha 4 persuni li wrew ix-xewqa li jagħtu kilwa lil xi ħadd li ma jafuhx, magħrufa bħala donaturi sammaritani.

15-il sena ilu, l-ewwel Malti li qatt ta’ kilwa lil xi ħadd li ma jafux kien James Muscat, li llum huwa l-President ta’ Transplant Support Group.  Fil-programm Insights, James iddeskriva l-ġest li kien għamel ma’ David (ritratt) bħala l-isbaħ rigal tal-ħajja li jara lil xi ħaddieħor jgħix mill-ġdid.

James Muscat qal li llum iħossu aħjar minn 15-il sena ilu u prova ta’ dan huma l-aħħar riżultati tat-testijiet tad-demm.  Dan hekk kif James qal li r-riżultati wrew kif il-kilwa l-leminija tiegħu qed tagħmel xogħolha aħjar minn meta kellu żewġt ikliewi.

Tista’ tara l-intervista hawnhekk jew inkella minn TVMi.

TVMi Insights jixxandar il-Ħadd fil-10.45pm fuq TVM.

Aħbarijiet Oħra
Sigurtà

‘Il fuq minn ħamest elef atleta, żewġ terzi minnhom barranin, kienu fuq ix-xwiek biex għada, il-Ħadd filgħodu, jieħdu sehem fil-maratona ta’ Malta. Iżda b’xorti ħażina, il-maratona tħassret ftit tal-ħin ilu…

Lokali

F’riċerka għad-dottorat dwar il-kriminalità fil-familji Maltin, Janice Formosa Pace sabet li l-familja tista’ tkun dik li tippromwovi l-kriminalità. Kontra dak li jseħħ fl-Eworpa, f’Malta hija komuni li l-ġenituri u l-ulied…

Sport

Waqt logħba tat-Tieni Diviżjoni bejn Oratory Youths u Qala Saints, ir-referee Joseph Agius spiċċa qala’ daqqa ta’ ponn wara li ta żewġ karti sofor lil plejer tal-Qala. Il-logħba li saret…

Edukazzjoni

Il-Fondazzjoni President’s Trust kompliet tqassam tagħmir lil tfal li għandhom diffikultà bil-vista biex tgħinnhom fil-mixja edukattiva tagħhom. B’kollox il-fondazzjoni qassmet b’kemm jiswa €150,000 f’tagħmir tal-informatika lil 65 tifel u tifla….

Aktar