Barranin
L-Unjoni Ewropea taqbel fuq is-17-il pajjiż li tniżżlu fil-lista s-sewda

F’laqgħa tal-Ministri tal-Finanzi tal-Unjoni Ewropea fi Brussell, ġiet maqbula l-lista s-sewda ta’ 17-il pajjiż mfissra bħala tax havens. Il-pajjiżi fil-lista qed jirriskjaw ma jkollhomx aċċess għall-fondi mill-Unjoni Ewropea jew jiffaċċjaw sanzjonijiet mill-gvernijiet Ewropej.

Il-lista ma tinkludi l-ebda pajjiż fl-Ewropa u fiha gżejjer fil-karibew u pajjiżi bħal Panama, it-Tuneżija, l-Emirati Għarab Magħquda, il-Korea t’Isfel u l-Bahrain.

Barra l-bini tal-istituzzjonijiet tal-Unjoni Ewropea, attivisti tal-għaqda Oxfam ikkritikaw lill-Ministri talli fil-lista ma nkludewx pajjiżi Ewropej bħall-Iżvizzera, l-Irlanda, Malta, il-Lussemburgu u l-Olanda.

Il-Ministri tal-Finanzi tal-Unjoni Ewropea għamlu lista ta’ 47 ġurisdizzjoni f’lista mlaqqma ‘griża’ li hija għal dawk li m’humiex konformi mal-istandards tal-Unjoni għalkemm wrew ir-rieda li jbidlu r-regoli tat-taxxa tagħhom. Id-deċiżjoni tal-Ministri qed tittieħed wara l-pubblikazzjoni tal-Paradise Papers.

Aħbarijiet Oħra
Barranin

Żblokk fis-saga Brexit. Downing Street ikkonferma li ntlaħaq qbil fuq livell tekniku bejn ir-Renju Unit u l-Kummissjoni Ewropea. Illejla f’Londra, Il-Prim Ministru tar-Renju Unit Theresa May qed tiltaqa’ mal-Ministri  f’10…

Barranin

F’inċident traġiku li seħħ f’Treviso, l-Italja missier li kellu lil ibnu ta’ xaharejn f’idejh tfixkel f’saqajh u tgerbeb it-taraġ. Konsegwenza tal-waqa’, it-tarbija mietet wara li ħabtet rasha mal-bieb ta’ barra….

Barranin

Raġel Awstraljan ammetta li qatel sitt persuni u li weġġa’ 27 oħra meta saq għal fuqhom bil-karozza f’Melbourne f’Jannar tas-sena l-oħra. James Gargasoulas ta’ 28 sena kien wettaq l-attakk b’karozza…

Aktar