Kultura
Laqta kontemporanja għal ‘As you like it’ fil-ġonna ta’ Sant’ Anton

Il-kumpanija MADC qed iżżomm mat-tradizzjoni li l-produzzjoni annwali tagħha fis-sajf tkun ir-rappreżentazzjoni ta’ xogħol ta’ William Shakespeare.

Il-ġonna ta’ Sant’ Anton f’Ħ’Attard se jkunu miżgħuda b’maġija u fantasija hekk kif il-kumpanija teatrali l-MADC se ttella’ l-produzzjoni  ‘As You Like It’. Id-dramm hu bbażat fuq l-istorja ta’ Rosalind, in-neputija tad-duka Fredrick, li titkeċċa mill-palazz wara li titfa’ ħarsitha fuq Orlando.

Hija taħrab mill-ambjent oppressiv li ħoloq zijuha biex tfittex lil missierha li jinsab eżiljat fil-foresta ta’ Arden. Tagħmel dan liebsa kostum ta’ tfajjel u l-istorja issegwi l-avventuri romantiċi u ħielsa tagħha fi vjaġġ li matulu tiskopri l-identità tagħha.

Id-direttur, Philip Leone Ganado, jiddeskrivi id-dramm bħala produzzjoni li tħalli lill-udjenza f’burdata pjaċevoli minħabba l-mumenti komiċi u movimentati. “As you like it; it’s a comedy, it’s a fun joyous comedy, sort of play with music and dancing and a lot of joy… I keep using this word, joy, because that is the sort of play it is.”

Philip qal li l-interpretazzjoni tad-dramm hija klassika, minkejja li fiha laqta moderna. “So for San Anton it’s just perfect for us, we’ve got the gardens to guide us, and in terms of adaptation, it is Shakespeare’s classic script, but we have gone for a contemporary take on it with modern costumes, music, we have actors doubling… this should add to the sense of fun… it should be a very fresh take”.

Fost il-kast tal-produzzjoni hemm atturi stabbiliti u oħrajn ġodda.

Aħbarijiet Oħra
Għawdex

F’Għawdex tnieda servizz ta’ emerġenza ġdid għall-pubbliku li se jopera wara l-ħinijiet tal-uffiċċju, fi tmiem il-ġimgħa kif ukoll fil-btajjel pubbliċi. Dan is-servizz, li beda fuq inizjattiva tal-fergħa Għawdxija tal-Fondazzjoni għal…

Annimali

F’dan iż-żmien tas-sena ħafna jsibu ħin biex jagħmlu atti ta’ imħabba jew solidarjetà mal-oħrajn. Artista Franċiża li tgħix Malta ddeċidiet li ttella’ wirja b’pitturi biex bil-flus li tiġbor mill-bejgħ tagħhom,…

Mużika

Il-kunċert tal-President għas-Sena l-Ġdida se jżomm mat-tradizzjoni u jsir fl-Epifanija fis-6 ta’ Jannar f’Dar il-Mediterran għall-konferenzi l-Belt. Il-kunċert b’kollaborazzjoni ma’ Festival Malta u l-Orkestra Filarmonika ta’ Malta se jsir b’risq…

Kronaka

L-awtoritajiet tal-Faċilità Korrettiva ta’ Kordin qed jinvestigaw il-mewt ta’ priġunier Malti ta’ 26 sena li nstab mejjet. Television Malta jinsab infurmat li l-priġunier neħħa ħajtu. Fi stqarrija maħruġa mill-Faċilità Korrettiva…

Aktar