Barranin, Kurżitajiet
Lest tibda tivjaġġa b’dan l-arjuplan fil-futur?

Hemm ċans li minn hawn u ftit tas-snin oħra flok ajruplani kbar, biex insiefru nibdew nużaw mudelli ħafna iżgħar.  Dan għaliex bħalissa qed isiru bosta proġetti minn ditti kbar tal-avjazzjoni f’tentattiv biex jillimitaw it-tniġġis li qed jikkawża l-jet fuel fl-arja li huwa ta’ tħassib minħabba l-bidla fil-klima.

L-għażla donnha qed taqa’ fuq ajruplani li jġorru numru limitat ta’ passiġġieri u merkanzija ta’ daqs żgħir li kulma jistgħu jtiru huwa minn belt sa oħra.  Dawn l-ajruplani jistgħu jużaw batteriji elettroniċi li huma iktar effiċjenti u iktar nodfa fl-użu tal-enerġija meħtieġa biex itiru minn post għall-ieħor.

Per eżempju s-CityAirbus huwa ajruplan futuristiku li mistenni jibda bl-ewwel titjira fl-2018.  Jesa sa 4 passiġġieri li jkunu jistgħu jmorru minn belt għall-oħra.  Imbagħad hemm iż-Zunum Aero, ajruplan hybrid li jista’ jġorr sa massimu ta’ 12-il passiġġier sa distanza ta’ 700 mil.

Biex l-ajruplani jibqgħu ta’ daqs kbir u jkunu jistgħu jtiru distanzi itwal, is-soluzzjoni mhix faċli, għax il-problema hija li l-batteriji elettriċi ma tantx jaħżnu enerġija daqs kemm jiflaħ il-jet fuel.  Esperti fl-industrija tal-avjazzjoni jistmaw li l-batteriji jaħżnu 40 darba inqas enerġija mill-jet fuel anke jekk l-ajruplani jużaw l-aqwa batteriji li hawn fid-dinja.

Għaldaqstant hemm il-ħsieb li l-ajruplani jibdew jużaw magni hybrid bħall-karozzi jew inkella saħansitra qed tiġi esplorata l-possibilità li d-disinn tal-ajruplani jinbidel kompletament.  Dan sabiex jiġu sodisfatti l-esiġenzi kemm tal-kumpaniji li jimmanifatturaw l-ajruplani biex iħarsu l-ambjent u l-vijabilità ekonomika tal-ajruplan, kif ukoll tal-passiġġieri biex ikomplu jmorru minn post għall-ieħor b’kumidità fl-iqsar ħin possibbli.

Aħbarijiet Oħra
Barranin

Il-President tat-Turkija Recep Tayyip Erdogan ħeġġeġ lill-Mexxejja tan-Nazzjonijiet Musulmani jirrikonoxxi lil Ġerusalemm bħala l-kapitali okkupata tal-istat Palestinjan. Waqt summit tal-organizazzjoni tal-koperazzjoni Iżlamika, huwa qal li d-deċiżjoni Amerikana li tirrikonoxxi Ġerusalemm…

Barranin

Fl-Italja għargħar laqat it-tramuntana tal-pajjiż b’mijiet ta’ nies kellhom jevakwaw darhom b’oħrajn ifittxu kenn f’bini għoli biex jevitaw l-ilmijiet qawwija. L-ilmijiet laqtu l-iktar lill-ibliet ta’ Lentigione u Brescello fir-reġjun ta’…

Barranin

Fl-Istati Uniti, l-aggressur Akayed Ullah, li huwa akkużat b’attakk terroristiku fi stazzjon nhar it-Tnejn li għadda f’Manhattan fi New York, ippostja messaġġ fuq il-midja soċjali indirizzat għall-President Amerikan Donald Trump…

Barranin

Splużjoni kbira f’impjant tal-gass fl-Awstrija ħalliet persuna mejta u minn tal-anqas 18 feruti. L-isplużjoni li seħħet għall-ħabta tad-8.45 ta’ dalgħodu fis-sit Baumgarten ikkawżat ukoll in-nirien, bl-awtoritajiet iżda jgħidu li s-sitwazzjoni…

Aktar