Lokali
Lezzjonijiet apposta għat-tfal li jkunu l-isptar għall-kura fit-tul

Fis-swali tat-tfal fl-isptar Mater Dei, isiru wkoll lezzjonijiet maħsuba apposta għat-tfal li jkollhom bżonn kura fit-tul. B’koperazzjoni bejn l-awtoritajiet tal-isptar u l-awtoritajiet edukattivi, ġew iddedikati riżorsi kemm ta’ għalliema kif ukoll ta’ materjal edukattiv biex tfal morda iżommu l-pass fit-tagħlim.

Fis-swali tat-tfal fl-isptar Mater Dei mhux biss jieħdu ħsieb il-kura tat-tfal iżda wkoll isir sforz biex f’każi ta’ mard fit-tul, dan ma jħarbatx il-mixja edukattiva tat-tfal. Dan isir b’kollaborazzjoni mad-dipartiment tal-edukazzjoni li jipprovdi għalliema u LSA’s li jassistu lit-tfal għall-eżamijiet waqt li jkunu fl-isptar.

Ivy Caruana stqarret li ‘ikollna tfal li sfortunament idumu magħna, isir is-sillabu nagħmlu kuntatt mal-iskejjel biex nimxu id f’id mal-iskejjel”.

Dan is-servizz fl-isptarijiet huwa msaħħaħ b’għodod edukattivi fosthom kotba ġodda li jingħataw mid-dipartiment nazzjonali tal-litteriżmu, u eżerċizzji edukattivi li t-tfal jagħmlu fl-isptar.

Ivy Caruana qalet li “hija sabiħa ħafna r-relazzjoni li tibni għax qed timxi pass pass f’dan il-mument diffiċli li jkollhom f’ħajjithom”.

Is-swali kollha tat-tfal għandhom kamra tal-logħob u librerija, fejn jingħataw il-lezzjonijiet anki b’mod interattiv permezz ta’ logħob addati għall-etaijiet tat-tfal.

Aħbarijiet Oħra
Lokali

Il-Milied jiġi għal kulħadd u jferraħ bosta qlub. Żorna ċ-Centro Spero għal persuni nieqsa mid-dawl fejn ħassejna l-entużjażmu tal-persuni nieqsa mid-dawl li qed iħejji għal produzzjoni tal-Milied bi drama u…

Ekonomija u Finanzi

Statistika tal-Eurostat uriet li fl-2016, in-nefqa ta’ Malta f’għajnuniet soċjali kienet inqas mill-medja Ewropea. Fil-fatt Malta kienet f’sitt post mill-aħħar fost 28 pajjiż tal-Unjoni Ewropea li tonfoq fuq servizzi soċjali….

Brexit

Tkompli titħabbel il-kobba dwar Brexit wara li fl-aħħar jiem il-Prim Ministru Theresa May tidher li spiċċat b’idejha f’idejha meta ma kisbitx garanzija ta’ assigurazzjonijiet dwar il-fruntiera tal-Irlanda mill-mexxejja tal-Unjoni Ewropea….

Brexit

Il-korrispondent tal-BBC, Chris Morris, f’kummenti esklussivi lil Television Malta, stqarr li l-Prim Ministru Ingliża Theresa May s’issa għadha ma kisbitx dak mistenni minn ħafna Parlamentari Ingliżi biex jaċċettaw il-ftehim li…

Aktar