Kronaka
Liam Debono nstab pożittiv għad-droga kannabis f’April li għadda

Missier Liam Debono għażel li ma jixhidx kontra ibnu meta fil-Qorti kompliet tinstema l-kumpilazzjoni tax-xhieda kontra l-adoloxxenti ta’ 18-il sena li lejliet l-elezzjoni nqabad f’Ħal Luqa jsuq vettura mingħajr liċenzja u mingħajr polza tal-assigurazzjoni.

Liam Debono jinsab mixli wkoll li kiser il-kundizzjonijiet tal-libertà proviżorja mogħtija mill-Qorti fil-każ kontrih li fih jinsab mixli fost oħrajn bl-attentat tal-qtil tas-Surġent Simon Schembri.

Quddiem il-Maġistrat Joe Mifsud, xehed fost oħrajn probation officer li qal li Debono irriżulta pożittiv għad-droga kannabis f’April li għadda. Xehed Jason Zammit li kien fil-karozza ma’ Debono meta nqabad u xehdet ukoll it-tifla ta’ Zammit, Kristie.

Hija qalet li għandha żewġ karozzi, waħda bil-ħsara u l-oħra li xtrat mingħand missierha, li għadha fuq isem xi ħadd ieħor. Qalet li meta l-karozzi jkunu fil-garaxx ta’ missierha ċerta li l-karozzi kienu jibqgħu fil-garaxx, għax hi għandha ċ-ċwievet tal-karozzi. Hija qalet li ma tafx jekk missierha għamilx kopja taċ-ċwievet.

Jason Zammit qal li meta waslu l-pulizija, hu kien fuq in-naħa tax-xufier iżda ma qalx x’ġara qabel. Qal li Liam Debono qatt ma saq il-karozzi fit-triq ħlief forsi meta ġieli kienu qed jaħslu l-karozza. Huwa qal ukoll li ġieli saq il-karozzi ta’ meta kellu jdaħħal karozza u joħroġ oħra mill-garaxx iżda l-Maġistrat staqsa kif jista’ jkun dan, meta bintu kienet għadha kif xehdet li hi biss kellha ċ-ċwievet.

Fi tmiem is-seduta l-Prosekuzzjoni u d-difiża ddikjaraw li l-provi tagħhom huma magħluqa u l-Qorti aġġornat għas-sentenza għall-21 ta’ dan ix-xahar.

L-Avukat tal-Għajnuna Legali kien Dr Victor Bugeja.

Aħbarijiet Oħra
Kronaka

Raġel jinsab bi ġrieħi gravi wara argument fiż-Żebbuġ, Għawdex. L-inċident seħħ ilbieraħ għall-ħabta ta’ 23:50hrs fi Triq il-Port, fiż-Żebbuġ. L-argument seħħ bejn żewġ persuni; raġel barrani ta’ 39 sena residenti Ħaż…

Immigrazzjoni

Il-Forzi Armati ta’ Malta salvaw 47 immigrant li sabu ruħhom f’diffikultà. Fi stqarrija ntqal li l-operazzjoni ta’ salvtaġġ seħħet ilbieraħ filgħodu bl-immigranti ddaħħlu Malta abbord lanċa tal-Forzi Armati, f’Xatt it-Tiben…

Lokali

Aktar ma jmur aktar il-finali ta’ ‘X Factor Malta’ qed toqrob. U, b’xorti ħażina għall-kontestanti li għad fadal, il-postijiet għal-Live Show tal-aħħar tgħoddhom fuq subgħajk. B’hekk, minn ġimgħa għal ġimgħa,…

Aktar