Barranin
Libsuhom fit-tieġ irjali u se jagħtuhom għall-karità

David u Victoria Beckham taw il-ħwejjeġ li libsu fit-tieġ irjali tal-Prinċep Harry u Meghan biex jinġabru l-flus għall-vittmi tal-kunċert ta’ Manchester.

Il-koppja Beckham ħabbru din l-inizjattiva fuq Instagram bħala ġest ta’ solidarjetà mat-22 vittma li mietu fl-attakk li seħħ is-sena li għaddiet.

David u Victoria Beckham kienu fost il-mistednin tad-Duka u d-Dukessa ta’ Sussex għat-tieġ li sar f’Windsor, Londra fid-19 ta’ Mejju li għadda.

Min huwa interessat jakkwista l-ħwejjeġ tal-koppja Beckham irid jidħol fi speċi ta’ lotterija u jixtri biljett ta’ £18 biċ-ċans li jirbaħ l-ilbies ta’ David, li kienet suit ta’ Dior bl-inizjali meħjutin fuq ġewwa tal-ġlekk u Victoria, li kellha libsa navy blue mill-kollezzjoni tagħha.

Il-koppja Beckham qalu li qed jappoġġjaw ix-xogħol inkredibbli li qed isir minn The We Love Manchester Emergency Fund u l-familji li ntlaqtu mill-attakk f’Manchester is-sena l-oħra.

Aħbarijiet Oħra
Barranin

L-Avukat Ġenerali tal-istat Amerikan ta’ Pennsylvania qal li saċerdoti Kattoliċi f’Pennsylvania abbużaw sesswalment minn eluf ta’ tfal fuq perjodu ta’ 70 sena u sikktu lill-vittmi permezz tal-arminizzazzjoni tal-fidi (“the weaponization…

Barranin

Mumenti ta’ paniku, konfuzjoni u ħsejjes kbar kienet l-esperjenza tal-biza’ ta’ ħafna li kienu f’Genova fl-Italja hekk kif pont li kien parti mill-awtostrada ġġarrfet u ħalla mill-anqas 11-il persuna mejta…

Barranin

Tragedja f’Genova f’dak li jidher htija tal-maltemp wara li wieħed mill-ponti ewlenin iġarraf u ħalla konfermati mejta tnax-il ruħ. Il-Ministru tat-Trasport Taljan Danilo Toninelli sejjaħ dak li seħħ illum f’nofsinhar…

Aktar