Eurovision
Liema huma l-10 pajjiżi li għaddew għall-finali tal-Eurovision?

10 pajjiżi mis-17 li ħadu sehem fl-ewwel semifinali tal-Eurovision Song Contest għaddew għall-finali ta’ nhar is-Sibt li ġej.  Il-pajjiżi li kkwalifikaw għall-finali huma:

  • Greċja – Katerine Duska bil-kanzunetta Better Love
  • Belarus – ZENA bil-kanzunetta Like It
  • Serbja – Nevene Božović bil-kanzunetta Kruna
  • Ċipru – Tamta bil-kanzunetta Replay
  • Estonja – Victor Crone bil-kanzunetta Storm
  • Repubblika Ċeka – Lake Malawi bil-kanzunetta Friend Of A Friend
  • Awstralja – Kate Miller-Heidke bil-kanzunetta Zero Gravity
  • Iżlanda – Hatari bil-kanzunetta Hatrið mun sigra
  • San Marino – Serhat bil-kanzunetta Say Na Na Na
  • Slovenja – Zala Kralj & Gašper Šantl bil-kanzunetta Sebi

Il-pajjiżi li m’għaddewx huma il-Montenegro, il-Finlandja, il-Polonja, l-Ungerija, il-Belġju, il-Ġeorġja u l-Portugall.  Ir-riżultat kien maqsum 50:50 bejn ġurija professjonali u televoting.

Michela llum se jkollha ġurnata mpenjattiva hekk kif illejla mistenni jkollha l-prova uffiċjali li matulha se tkun qed tiġi aġġudikata minn ġurija internazzjonali, liema voti mbagħad jgħoddu għar-riżultat t’għada.

Il-kantanta Maltija se tkun il-11-il waħda li se tkanta fis-semifinali ta’ għada l-kanzunetta Chameleon.  Magħha se jkun hemm l-Armenja, l-Irlanda, il-Moldova, l-Isvizzera, il-Latvja, ir-Rumanija, id-Danimarka, l-Isvezja, l-Awstrija, il-Kroazja, il-Litwanja, ir-Russja, l-Albanija, in-Norveġja, l-Olanda, il-Maċedonja u l-Ażerbajġan.

Għada, it-trażmissjoni tibda fid-9pm u se tixxandar dirett fuq TVM u tvm.com.mt.

Aħbarijiet Oħra
COVID-19

18-il persuna lbieraħ ingħataw multa ta’ €100 kull wieħed waqt ir-rondi li l-Pulizija għamlet fl-aħħar 24 siegħa biex tiżgura li ma jkunx hemm ġemgħat ta’ aktar minn 3 persuni f’postijiet pubbliċi…

COVID-19

Fi żmien li l-pajjiż għaddej mill-problema tal-imxija tal-COVID-19, l-Amministratur Appostoliku għal Għawdex, Mons. Mario Grech appella lis-saċerdoti f’Għawdex u lill-Għaqdiet Reliġjużi biex jagħtu l-offerta tagħhom sabiex jinxtara ventilator, ħalli dan jingħata lill-Awtoritajiet…

Temp

L-uffiċju Meterjoloġiku ħareġ twissija ta’ riħ qawwi mill-Grigal fuq il-Gżejjer Maltin. Din it-twissija ser tibqa’ fis-seħħ sal-10pm.

Kurżitajiet

Għadd ta’ korijiet f’Malta u Għawdex qed isibu mezz kif ikomplu bit-taħriġ, u anki jirrekordjaw siltiet ġodda – kollox b’mod virtwali. Fost dawn hemm il-kor tal-parroċċa ta’ Birżebbuġa, li f’dawn…

Aktar