Kurżitajiet
Liema huma l-iktar films li għamlu ħoss fl-2019?

L-istaġun tal-unuri tal-films kien varat uffiċjalment f’Los Angeles bis-seba’ u sebgħin edizzjoni tal-Golden Globes fil-ħamsa ta’ Jannar. Ilbieraħ tħabbru wkoll il-films, dokumentarji, atturi u protagonisti li ġew nnominati għall-aqwa unuri li jingħataw mill-industrija Brittanika. It-tlieta u sebgħin edizzjoni tal-BAFTAS se ssir fit-tnejn ta’ Frar fir-Royal Albert Hall ta’ Londra

Hemm diversi films nnominati għall-BAFTAS li rebħu wkoll l-Golden Globe fosthom Joker li għall-BAFTAS rċieva ħdax-il nomina fosthom għall-aqwa film, l-aqwa direttur Todd Philips, għall-aqwa attur Jaoquin Phoenix u għall-aqwa ċinematografija.

The Irishman huwa nnominat għaxar darbiet għall-BAFTAS fosthom fil-kategoriji prestiġjużi tal-aqwa film u għall-aqwa direttur, Martin Scorsese.

Once Upon a Time in Hollywood tad-direttur Quenton Tarantino li rebaħ l-unur għall-aqwa musical u għall-aqwa screenplay fil-Golden Globes hu nnominat f’għaxar kategoriji għall-BAFTAS, ukoll fil-kategoriji tal-aqwa film u tal-aqwa direttur. Once Upon a Time in Hollywood kien nnominat wkoll għall-aqwa sceenplay fil-BAFTAS. L-attur Leonardo di Caprio huwa nnominat bħala l-aqwa attur għall-istess film fil-parti ta’ Rick Dalton.

Il-film rebbieħ tal-aqwa film fil-Golden Globes, 1917, huwa nnominat f’disa’ kategoriji tal-BAFTAS fosthom ukoll għall-aqwa film u għall-aqwa direttur, Sam Mendes, li rċieva wkoll nomina għall-aqwa film Ingliż.

Jojo Rabbit irċieva sitt nomini filwaqt li Marriage Story, The Two Popes u Little Women irċievew ħames nomini għall-BAFTAS. L-atturi ewlenin ta’ The Two Popes, Jonathon Pryce u Anthony Hopkins irċievew nomina għall-aqwa atturi f’parti ewlenija u f’parti sekondarja bħala l-Papa Franġisku u l-Papa Benedittu sittax rispettivament.

L-attur Tom Hanks li ngħata l-Lifetime Achievement Award fil-Golden Globes huwa nnominat ukoll għall-aqwa attur f’parti sekondarja fil-film A Beautiful Day in the Neighborhood, bħala l-preżentatur leġġendarju Fred Rogers.

Aħbarijiet Oħra
Barranin

Beda bħala apprendist ta’ Pierre Cardin u imbagħad ħadem bħala disinjatur għal Hermes. Wieħed mill-ġganti tad-dinja tal-moda, Jean Paul Gaultier, ippreżenta l-aħħar wirja tiegħu qabel ma jirtira formalment mill-industrija wara…

Barranin

Is-sriep huma x’aktarx il-kaġun tat-tixrid tal-coronavirus, li ħalla 17-il persuna mejta fiċ-Ċina. Is-serp krait u l-cobra Ċiniż x’aktarx huma s-sors ewlieni tal-coronavirus, mikrobu perikoluż li jinfirex malajr. L-esperti jemmnu li…

Barranin

Huanggang, bħal Wuhan qed tieħu miżuri drastiċi iżda neċessarji biex tipprevjeni li jkompli jinxtered il-coronavirus li s’issa ħalla 17-il persuna mejta. Fi Huanggang hemm madwar 6 miljun persuna u minħabba…

Kurżitajiet

Għaliex jibjad ix-xagħar bl-inkwiet? Ix-xjentisti qalu li jinsabu viċin li jiskopru għala jseħħ dan il-fenomenu li jġiegħel lil ħafna jirrikorru għand il-barbier. L-istudju tax-xjentisti qed isir bl-iskop li tinstab soluzzjoni…

Aktar