Lokali
Liema huwa l-aktar sors ta’ tniġġiż tal-arja f’Malta?

B’akbar sors ta’ tniġġiż tal-arja f’Malta issa huma l-karozzi. Dan huwa kkonfermat minn riċerka xjentifika dwar il-kwalità tal-arja li ssir kemm mill-istazzjonijiet tal-Awtorità tal-Ambjent u r-Riżorsi kif ukoll b’mod indipendenti mill-Università ta’ Malta. Bi 360,000 vettura fit-toroq Maltin, s’issa ma jidhirx li l-isforzi li saru s’issa fosthom skemi tal-iskrappjar kif ukoll l-inċentivi għax-xiri ta’ karozza elettriċi kellhom r-riżultat mixtieq fit-tnaqqis tat-tniġġiż.

Permezz ta’ vann mobbli li jkejjel it-tniggiż fl-arja, Dr Noel Aquilina mill-Fakultà tax-Xjenza fl-Università ta’ Malta huwa konvint li t-traffiku huwa l-akbar sors ta’ tniġġiż. Huwa wasal għal din il-konklużjoni wara li analliża kampjuni tal-arju għal perjodu ta’ sitt xhur.

“L-iktar li naraw huma oxides of nitrogen li ġejjin minn karozzi li jużaw il-petrol imbagħad għandek Carbon monoxide u partiċelli li huma iktar indikaturi, li huma indikaturi ta’ karozzi diesel u fil-fatt jekk inħarsu lejn il-pollutants wieħed wieħed kollha jikkorispondu mal-pattern tat-traffiku, filgħodu jiżdied u jerġa’ jiżdied filgħaxija” qal Dr Aquilina.

Dr Aquilina jemmen li jrid issir ħidma akbar kontra l-karozzi li jiġġeneraw ħafna tniġġiż.

“Ikun hemm kampanja li tindirizza karozzi li jidhru li huma high emiters għax karozzi diesel jidhru li jarmu ħafna partiċelli, meta taraha dik id-daħna dik fil-fatt hija indikatur li l-emissions huma għoljin” stqarr Dr Aquilina.

Għall-Professur Ray Ellul, li għaddej ukoll bir-riċerka dwar il-kwalità tal-arja, ma jemminx li l-karozzi elettriċi ser isolvu l-problema tat-tniġġiħ għal bosta raġunijiet.

“Li se jiġri hu li se nixtri eluf kbar ta’ karozzi bil-batteriji li għandhom l-ispejjeż tagħhom environmentally, għax batterija trid tagħmilha, kull ħames snin trid tirriċikla l-batteriji, trid turi l-power mill-powerstation li jarmi l-carbon dioxide” qal Prof Ellul.

Il-Professur Ellul jittama fl-iżvilupp ta’ karozzi li jaħdmu bil-Idroġinu. Stqarr li “il-Hydrogen tagħmlu mill-ilma, qed tuża l-PV panels, u l-hydrogen meta jintuża fil-fuel cell tal-karozza kull ma jtik huwa water vapor, jiġifieri 100% nadif.”

Huwa xejjen l-perċezzjoni li dawn il-karozzi mhumiex siguri. Spjega li t-Toyota bdew jiżviluppaw dawn il-karozzi.

“It-Toyota Mirai li taħdem bil-Hydrogen, it gives 100’s of kilometers on a tank of Hydrogen, il-problema li m’għandekx infrastrutura ta’ Hydrogen filling stations, imma din tista’ ssir ukoll” qal Prof Ellul.

Ir-realtà hija li kull sitwazzjoni fil-mezzi ta’ trasport toffri sfidi u m’hemmx soluzzjoni waħda li ssolvi l-problemi kollha tat-traffiku u tat-tniġġiż.

Aħbarijiet Oħra
Lokali

Din hija ħarsa lejn l-istejjer ewlenin fil-ġurnali tal-lum, it-Tlieta, 16 ta’ Jannar, 2018 The Times of Malta Fuq il-faċċata storja li tgħid li l-Vitals Global Healthcare se tieħu €80 miljun…

Lokali

Jintlaħaq qbil dwar il-ftehim kollettiv ġdid tal-piloti tal-Airmalta. Dan intqal fi tweet tal-Prim Ministru Joseph Muscat. TVM huwa infurmat li llum reġgħu ltaqgħu fil-Ministeru għat-Turiżmu rappreżentanti tal-Gvern, it-tim tan-negozjar tal-Air…

Lokali

Is-servizz Carer at Home qabad sew u m’għadux proġett pilota. Fl-aħħar sentejn, mal-mitejn familja bbenefikaw minn sussidju tal-Gvern. TVM ltaqa’ ma’ koppja anzjana li rat differenza f’ħajjitha mindu għandha l-għajnuna…

Lokali

TVM jinsab f’pożizzjoni jiżvela li għadhom kemm waslu Malta żewġ ajruplani wet lease, jiġifieri mikrija bl-ekwipaġġ abbord, bħala parti minn arranġamenti li l-Air Malta qed tagħmel għall-eventwalità li tittieħed xi…

Aktar