Linji gwida biex tagħmel ġnien fuq il-bejt

L-awtorità għall-kompetizzjoni u l-affarijiet tal-konsumatur qed tħejji linji gwida dwar l-hekk imsejħa ‘green roofs’ li fihom jitwaħlu pjanti fuq il-bjut. Sal-lum l-uniku ‘green roof’ f’Malta, l-uniku ‘roof garden’ magħmul professjonaliment jinsab fl-Università ta’ Malta.

Sa April tas-sena id-dieħla mistenni jkunu lesti l-linji gwida dwar kif għandu jinbena ‘green roof’. Il-linji gwida qed isiru bħala parti minn proġett ko-finanzjat minn fondi Ewropej imsejjaħ ‘Lifemed Green Roof’. Dawn se jkunu qed jitħejjew minn kumitat tekniku li se jitwaqqaf mill-awtorità għall-kompetizzjoni u l-affarijiet tal-konsumatur.

“L-għan hu li ir-rizultati li ħerġin jinġabru fi gwida biex kull min ikun interessat ikollu linji gwida ta’ eżempju xi pjanti juża biex jirnexxu fuq bjut, il-kompost li għandu jintuża,” qal Francis Farrugia mill-MCCAA.

Fl-isfond tal-Green Roof fuq il-bejt tal-Fakultà għall-Ambjent mibni fl-Università, l-Inġinier Farruġia qal li dan il-kunċett mhux biss biex isebbaħ l-ambjent iżda biex jonqos il-konsum tal-enerġija.

“Minflok għandek konkos jew qatran ta’ water proof membrane għandek xi ħaġa hajja ta’ pjanti fejn għandek żona ta’ rilassament biex il-bini ikun aktar effiċjenti fl-użu tal-enerġija. Peress li joffri ċertu insulation, is-sħana tax-xemx ma tidħolx fil-bini u l-istess fix-xitwa,” spjega l-Inġinier Farrugia.

Il-Ministru għall-affarijiet tal-konsumatur Helena Dalli qalet li bil-linji gwida se jgħinu lill-konsumatur jagħmlu l-aħjar għażliet meta jiġu biex jiddeċiedu jagħmlu ġnien fuq il-bejt tagħhom.

Aħbarijiet Oħra
Kronaka

Il-pulizija kkonfermat ma’ TVM li persuna tilfet ħajjitha għall-ħabta tal-05:00 ta’ dalgħodu wara li ħanut fi Triq Ħal Qormi, il-Marsa nbela’ min-nirien. L-identità tal-vittma għadha mhux magħrufa. Fuq il-post issejħu…

Avjazzjoni

L-Air Malta lbieraħ temmet l-ewwel titjira lejn Cochin, fl-India. Dan huwa l-ewwel vjaġġ tax-xorta tiegħu għall-Air Malta. F’post fuq il-midja soċjali, il-Ministru għall-Ekonomija u l-Investiment, Silvio Schembri qal li dan…

Parlament

Il-Whip tal-Gvern Glenn Bedingfield għamel għadd ta’ mistoqsijiet lid-deputati nazzjonalisti fl-Oppożizzjoni dwar ir-relazzjonijiet ma’ Yorgen Fenech li huwa akkużat bħala l-mandant tal-qtil tal-ġurnalista Daphne Caruana Galizia. Id-deputat Bedingfield – li…

Aktar