Brexit
Linji gwida għall-gvernijiet u n-negozji biex jippreparaw għal Brexit

Id-Deputat Segretarju Ġenerali tal-Kummissjoni Ewropea, Celine Gauer temmet f’Malta sensiela ta’ laqgħat fis-27 stat membru dwar il-Brexit, hekk kif il-Brexit suppost iseħħ disat ijiem oħra.

F’Malta hija kellha taħdidiet fost oħrajn mal-Ministru għall-Affarijiet Ewropej, Helena Dalli dwar il-linji gwida għall-gvernijiet u n-negozji biex ikunu preparati għal ħruġ tar-Renju Unit mingħajr ftehim.

Lejliet is-summit tal-Unjoni Ewropea, il-Prim Ministru Ingliż, Theresa May qalet li l-aħjar triq għar-Renju Unit u l-Unjoni Ewropea hija li Brexit jiġi estiż sat-30 ta’ Ġunju biex ikun jista’ jsir bi ftehim.

Hija kitbet lill-President tal-Kunsill Ewropew, Donald Tusk biex il-ħruġ tar-Renju Unit jiġi pospost mid-29 ta’ Marzu għat-30 ta’ Ġunju.

Fl-ittra, May qalet li huwa fl-interess taż-żewġ naħat li l-ħruġ iseħħ sa dakinhar biex jiġi evitat li r-Renju Unit jieħu sehem fl-elezzjonijiet Ewropej li ser isiru f’Mejju. Qalet li jekk l-estensjoni tkun fit-tul din ikollha konsegwenzi negattivi għar-Renju Unit.

Il-Prim Ministru May ġġustifikat l-estensjoni li qed titlob, li dwarha jrid ikun hemm qbil mill-membri kollha tal-UE biex ikun jista’ jintlaħaq ftehim.

Il-Kap tal-Oppożizzjoni, Jeremy Corbyn qal li Theresa May ma għandhiex pjan għal Brexit u għalhekk għada huwa ser ikollu laqgħat mal-mexxejja Ewropej fi Brussell.

Il-President tal-Kunsill Ewropew, Donald Tusk, qal li estensjoni tingħata biss jekk il-Parlament Ingliż japprova l-ftehim dwar Brexit.

Tusk qal li jinsab fiduċjuż li l-mexxejja Ewropej ser jaċċettaw ir-rakomandazzjonijiet tiegħu.

Aħbarijiet Oħra
Ambjent

Għar Ħanex kien għar naturali mal-kosta tal-Qrendi bejn Wied iż-Żurrieq u Għar Lapsi. Din il-formazzjoni ġeoloġika rat l-elementi tan-natura jwasslu biex jumejn ilu l-għar iġġarraf. Minfloku ffurmat tieqa, li iżda…

Lokali

Ir-riħ qawwi mix-xlokk il-lvant, forza 7, tella’ kwantità kbira ta’ ramel fit-triq mill-bajja tal-Għadira. Il-preżenza ta’ daqstant ramel fit-triq ħolqot diffikultajiet għas-sewqan tal-vetturi, b’xi karozzi dehru jinstaqu b’diffikultà. Is-sitwazzjoni kienet…

Lokali

Id-Dipartiment tal-Istat Amerikan, permezz tal-kelliema tiegħu, Morgan Ortagus faħħar il-pożizzjoni tal-Gvern Malta wara li rrifjuta li żewġ ajruplani militari Russi jgħaddu mill-ispazju tal-ajru Malti. L-ajruplani kellhom itiru mis-Sirja għall-Venezwela. Il-Gvern…

Kronaka

Raġel ta’ 29 sena mill-Imsida ttieħed l-isptar wara li baqa’ dieħel f’arblu. Il-każ seħħ għall-ħabta tal-4pm fi Triq il-Kosta. Fuq il-post issejħet ambulanza li ħadet lir-raġel l-isptar Mater Dei. Il-kundizzjoni…

Aktar