Barranin
ll-Membri Parlamentari Ingliżi jivvotaw favur fl-ewwel stadju ta’ votazzjoni

ll-Membri Parlamentari Ingliżi vvutaw favur fl-ewwel stadju ta’ votazzjoni f’abbozz ta’ liġi li permezz tiegħu ser tkun eliminata l-possibilità ta’ Brexit mingħajr ftehim.

F’dawn il-ħinijiet qed nistennew l-eżitu tal-vot finali fuq l-abbozz sħiħ.

Fl-ewwel votazzjoni sagħtejn ilu, il-Membri tal-Oppożizzjoni u deputati ribelli mill-Partit Konservattiv assiguraw li t-tieni qari tal-abbozz jgħaddi b’329 vot favur u 300 kontra.

Effetivament, jekk l-Oppożizzjoni tirbaħ il-vot aħħari, dan mistenni jisforza lill-Prim Ministru Boris Johnson biex biex jitlob estensjoni oħra jekk ma jintlaħaqx ftehim mal-Unjoni Ewropea sad-19 t’Ottubru li ġej.

Fil-ħin tal-mistoqsijiet parlamentari, aktar kmieni llum, il-Prim Ministru Johnson sfida lill-Kap tal-Oppożizzjoni Jeremy Corbyn biex jivvota favur li l-pajjiż imur għal elezzjoni bikrija.

Corbyn sostna li mhux lest jivvota favur elezzjoni bikrija sakemm ma tkunx eliminata għal kollox il-possibilità ta’ Brexit bla Ftehim. Biex it-talba ta’ Johnson li r-Renju Unit jivvota f’Ottubru, jeħtieġ l-appoġġ ta’ żewġ terzi tal-membri parlamentari.

Peress li l-Partit Laburista għadu mhux qed jaqbel, Johnson sejjaħ lil Corbyn beżżiegħ u akkużah li qed jittrateni biex jieħu pożizzjoni dwar id-destin tal-Brexit.

Il-Prim Ministru Johnson, ilbieraħ tilef il-maġġoranza fil-House of Commons wara li deputat minn tiegħu qasam il-kamra. Filwaqt li aktar tard 21 deputat tkeċċew mill-Partit Konservattiv minħabba li ma appoġġjawx lill-Gvern.

Aħbarijiet Oħra
Barranin

L-Unjoni Ewropea ddikjarat lill-Panama, is-Seychelles, Cayman Islands u Palau bħala tax havens u poġġiethom fil-lista s-sewda. Il-Viċi President tal-Kummissjoni Ewropea, Valdis Dombrovskis, qal li dawn il-ġurisdizzjonijiet qed itappnu r-reputazzjoni tagħhom…

Barranin

Fir-Renju Unit, mara ta’ 55 sena tilfet ħajjitha wara li nġarret mill-kurrent tal-ilma kawża tax-xita qawwija minħabba l-maltempata Dennis. Ix-xita qawwija wasslet biex mijiet ta’ djar għerqu bl-għargħar. Minħabba x-xita…

Barranin

Uffiċjali tas-saħħa Ċiniżi ppubblikaw id-dettalji preliminari tal-iżjed studju estensiv dwar il-coronavirus li stħarreġ iżjed minn sebgħin elf każ tal-virus. Informazzjoni miċ-ċentru Ċiniż għall-kontroll tal-mard u l-prevenzjoni, ic-CCDC sab li iżjed…

Barranin

Mal-10,000 raġel fil-Ġappun niżlu fl-ilma f’kesħa xxoqq il-għadam, f’kompetizzjoni tradizzjonali li tmur lura mal-500 sena. Fil-festival Hadaka Matsuri, l-irġiel jilbsu biss biċċa ċarruta bajda u jinġabru f’tempju biex jilqgħu r-rebbiegħa….

Aktar