Lokali
Logħba ġdida fl-iskejjel se tgħin lit-tfal jesprimu l-emozzjonijiet tagħhom

Koppja b’impenn fil-qasam soċjali vvintaw logħba għat-tfal li tgħinhom jesprimu l-emozzjonijiet tagħhom. Bl-appoġġ tal-Ministru tal-edukazzjoni Evarist Bartolo u tal-Ministru għad-Djalogu Soċjali Helena Dalli din l-logħba se tinfirex fl-iskejjel kollha waqt il-lezzjonijiet tal-PSCD.

Julian u Joanna San Fournier ilhom 15-il sena jgħinu lil koppji jtejbu r-relazzjonijiet tagħhom. Julian jaħdem bħala medjatur fil-Qorti tal-Familja u martu Joanna hija LSA ma’ tfal b’diżabbiltà. It-tnejn flimkien ivvintaw logħba għat-tfal li tgħinhom jesprimu l-emozzjonijiet tagħhom meta jkunu qegħdin ma’ sħabhom.

Julian Sant Fournier qal, “Ħdimna flimkien biex ngħinu lit-tfal fi skills għal relazzjoni soda.”

Martu Joanna żiedet tgħid, “Il-cards hija forma ta’ logħba allura t-tfal jesprimu l-emozzjonijiet tagħhom through a game.”

Fl-iskola primarja ta’ Bormla, għadd ta’ tfal flimkien mal-għalliema tal-PSCD ħaddmu din il-logħba li għenithom jesprimu dak li jħossu meta jdejjaqhom xi ħadd, jew meta jaraw lil xi ħadd minn sħabhom li jkun qed jaffaċċja problema.

 

Il-Ministru tal-Edukazzjoni Evarist Bartolo qed jagħti appoġġ għal din l-inizjattiva għaliex qal li jemmen li lil hinn mill-istudji akkademiċi, l-iskola għandha trawwem lit-tfal fil-wellbeing tagħhom. Il-Ministru għad-Djalogu Soċjali Helena Dalli wkoll qed tipprovdi l-appoġġ permezz tal-Kummissjoni kontra l-Vjolenza Domestika għaliex qalet li attivitajiet bħal dawn isaħħu lit-tfal, speċjalment lil dawk li huma f’sitwazzjoni vulernabbli.

Aħbarijiet Oħra
Lokali

Ilhom snin twal ikerrħu l-ambjent f’ċerti inħawi, iżda huma meħtieġa biex jitwassal servizz essenzjali: l-elettriku. Qed nirreferu għal arbli fil-kampanja b’cables imdendla magħhom. Li fihom tajjeb hu li jista’ jasal…

Lokali

Il-midja Taljana qed tkompli tirrapporta bi prominenza l-arrest ta’ Darren Debono ta’ 43 sena, li nqabad f’lukanda f’Lampedusa wara li kien imfittex b’rabta ma’ kuntrabandu tal-fjuwil mil-Libja. Debono, li kien…

Lokali

Jonathan Felice intbagħat disa’ snin ħabs wara li tilef l-appell b’rabta ma’ serqa bil-vjolenza li seħħet f’Ġunju 2006, meta huwa kien għad kellu 17-il sena. Dak iż-żmien anzjana ta’ 81…

Lokali

Il-Gvern ħabbar id-dettalji tar-rigal ta’ €1 miljun li se jkun offrut lil min jikxef informazzjoni konkreta li twassal biex ikun solvut il-qtil ta’ Daphne Caruana Galizia. Fi stqarrija l-Gvern qal…

Aktar