Barranin
Lufthansa tħassar 1,300 titjira minħabba strajk tal-cabin crew

Lufthansa ħassret 1,300 titjira li kellhom jitilqu mill-Ġermanja, wara li ma rnexxilhiex twaqqaf strajk ta’ jumejn mill-cabin crew.

L-istrajk beda f’nofsillejl, u mistenni jolqot madwar 180,000 passiġġier. B’kollox se jkunu tħassru 700 titjira l-Ħamis u 600 titjira l-Ġimgħa.

It-titjiriet ta’ linji tal-ajru oħra ta’ Lufthansa, bħal Eurowings, Swiss, Austrian Airlines, u Brussels Airlines mhumiex affettwati.