Lokali
Ma ħallietx is-siġġu tar-roti jżommha milli tavvanza – iżda xorta għadha ssib l-ostakli

Daniela Mercieca għandha diżabilita’ fiżika izda ma tħallihiex tostakalha milli tikseb dak li trid mill-ħajja.

Taħdem full-time u qed tagħmel degree fil-marketing. Tgħid li kien hemm titjib notevoli fid-drittijiet tal-persuni b’diżabbiltà minkejja li għadha tifaċċja diffikultajiet; bħal fl-aċċessibbiltà għat-trasport pubbliku.

“M’hijiex faċli tuża tal-linja… Allura jkollok bżonn tuża trasport addattat għall-wheelchair, li jiswa ħafna flus,” spjegat Daniela.

F’konferenza bit-tema Mhux kemm Ngħaddi, imma Nirnexxi, iċ-chairperson tal-Kummissjoni Nazzjonali għad-Drittijiet tal-Persuni b’Diżabbiltà, Oliver Scicluna, qal li kien hemm evoluzzjoni fil-mentalità, partikolarment fuq livell leġiżlattiv b’emendi fil-ligi dwar opportunitajiet indaqs.

“Fi tliet oqsma imxejna, fl-edukazzjoni, fejn rajna qabżiet lejn iżjed inklużjoni fl-iskejjel… fl-infurzar tal-liġi tal-impjieg fejn rajna iktar persuni b’diżabilta jidħlu fid-dinja tax-xogħol, u fejn tidħol l-aċċessibbilta fiżika, għamilna passi żgħar imma kellna fejn nagħmlu ħafna passi ikbar,” fisser Sciciluna.

Is-Segretarju Parlamentari għall-Persuni b’Diżabbiltà, Anthony Aguis Decelis, wera sodisfazzjon li żdiedu l-persuni b’diżabbiltà li daħlu fis-suq tax-xogħol. Qal li l-Gvern żied il-pensjoni għal min ma jistax jidħol fid-dinja tax-xogħol b’benefiċċji li jitilgħu sal-paga minima u bi programmi li jgħinu lill-individwi jgħixu ħajja aktar indipendenti.

Il-kelliema tal-Oppożizzjoni, Maria Deguara, qalet li jeħtieġ li titneħħa kwalunkwe diskriminazzjoni mal-persuni b’diżabbiltà u saħqet li kulħadd għandu jkun mgħejjun jilħaq il-potenzjal tiegħu jew tagħha.

Aħbarijiet Oħra
Lokali

Din hija ħarsa lejn l-istejjer ewlenin fil-ġurnali tal-lum l-Erbgħa 20 ta’ Ġunju 2018: THE MALTA INDEPENDENT jirrapporta li l-Ministru għall-Finanzi Edward Scicluna lbieraħ esprima l-fiduċja tiegħu fil-ħaddiema tal-Financial Intelligence Analysis…

Lokali

Il-Parlament ta l-approvazzjoni finali għall-emendi fil-liġi dwar il-protezzjoni tal-embrijun li ghaddew b’34 vot favur u 27 vot kontra. Qabel ittieħed il-vot, il-Whip tal-Gvern informa lill-Kamra li tliet deputati tal-Gvern kienu…

Lokali

Wieħed mill-istilisti magħrufa tal-kantanta internazzjonali Lady Gaga, l-istilist mill-Kroazja, Matija Cop li nġieb Malta f’attività edukattiva għall-istudenti tal-MCAST mill-Fondazzjoni, Malta Chamber of Fashion. F’Malta wieħed mill-istilisti li taħdem miegħu l-kantanta…

Lokali

Mara ta’ 58 sena qaltilna li ilha priġuniera ġo darha għal dawn l-aħħar 9 snin għax minħabba mard ma tiflaħx tinżel żewġ sulari taraġ. Il-mara, Rita Gatt hija armla b’erbat’…

Aktar