Lokali
Ma nħossnix komda li mara titpoġġa fil-Parlament mingħajr ma ġiet eletta – Marlene Mizzi

Il-Membru Parlamentari Ewropew Laburista, Marlene Mizzi qalet li ma taqbilx mal-kwoti u li persuna tingħata kariga jew titla’ fil-parlament sempliċiment għax hi raġel jew mara.

Waqt il-programm Ras imb ras, Marlene Mizzi saħqet li temmen fil-meritokrazija u persuna għandha tintgħażel fuq il-ħiliet u l-kapaċitajiet tagħha.

Għaldaqstant minflok il-kwoti fl-elezzjonijiet, hija ssuġġeriet li l-poplu jkollu lista aħjar ta’ nies li jikkontestaw, li din tkun tinkludi aktar nisa. Saħqet li ma tħosshiex komda li mara titpoġġa fil-Parlament b’mod artifiċjali mingħajr ma ġiet eletta.

Sabiex aktar nisa jitħajru jidħlu fid-dinja politika, Marlene Mizzi qalet li fost l-oħrajn il-ħinijiet tal-Parlament għandhom jinbidlu għal filgħodu. Fakkret li anke llum il-ġurnata, il-mara għadha tidher f’għajn is-soċjetà bħala l-persuna responsabbli mit-tfal. Spjegat li bil-ħinijiet tal-Parlament waranofsinhar qed tkun diffiċli għal mara biex tlaħħaq. Hija ssuġġeriet ukoll biex ikun hemm child care center fil-Parlament.

Matul il-programm, li se jixxandar illejla, Marlene Mizzi titkellem ukoll dwar l-esperjenza tagħha fil-Parlament Ewropew kif ukoll x’wassalha biex ma tikkontestax għall-elezzjoni tal-Parlament Ewropew.

Il-programm Ras imb ras ma’ Marlene Mizzi se jixxandar illejla fis-7.30pm.

Biex issegwi l-aħħar programmi ta’ Ras imb ras tista’ tidħol hawn.

Ras imb ras jixxandar mit-Tnejn sal-Ġimgħa fis-7.30pm.

 

Aħbarijiet Oħra
Qorti

Shamison Stafrace minn Bormla tressaq il-Qorti akkużat b’hold up f’ħanut f’Raħal Ġdid fis-16 ta’ April li għadda. Il-Pulizija xlietu b’serq aggravat, li żamm persuna kontra l-volontà tagħha u li fera…

Mużika

Jumejn konsekuttivi ta’ kunċerti b’xejn fuq il-Fosos tal-Floriana b’inizjattiva tal-Awtorità tat-Turiżmu: għada mill-kantant tal-band Ingliża Oasis, Liam Gallagher, . . . u llejla mill-BBC Concert Orchestra b’kunċert ta’ mużika klassika…

Immigrazzjoni

Il-Partit Nazzjonalista qal fi stqarrija li l-Gvern qed ikompli juri li m’għandux pjan bil-politika tiegħu ta’ immigrazzjoni qawwija. Qal li sejbiet bħal ta’ dalgħodu fil-Marsa huma prova ta’ immigranti li…

Infrastruttura

Il-Kamra tar-Rappreżentanti approvata riżoluzzjoni biex jinbidlu kundizzjonijiet f’kuntratti li kienu saru bejn il-Gvern u l-kumpanija Fortel – sid tal-lukanda Fortina fis-snin disgħin u fis-sena 2000. Ir-riżoluzzjoni kienet approvata wara li…

Aktar