Solidarjetà
“Ma, nixtieqek li tkompli taħdem fil-volontarjat” – Jerome Frendo

Dawn kienu wħud mill-aħħar kliem taż-żagħżugħ Jerome Frendo. Qabel ma tilef il-battalja mal-kanċer sentejn ilu, Jerome qal ‘l ommu, Josette, li xtaqha tkompli tmidd idejha fil-qasam tal-volontarjat.

Il-ħajja mimlija tlajja’ u nżul. Mhux dejjem kollox ward u żahar. Kulħadd għandu xi salib xi jġorr.

Madanakollu, Jerome kien dejjem wiċċu għad-dawl, anki meta kien muġugħ, u kellu kuraġġ liema bħalu biex ikompli għaddej bil-ħajja qisu xejn mhu xejn.

Mindu Jerome ħalliena, il-familja tiegħu kompliet fuq il-passi tiegħu. It-tama u d-determinazzjoni taż-żagħżugħ baqgħu jidwu fil-qraba tiegħu, tant li waqqfu l-fondazzjoni ‘Smiling with Jerome’ bil-għan li jxerrdu dak l-istess spirtu pożittiv li tant ikkaratterizza lill-ġuvni.

Josette Frendo, omm Jerome, spjegat li l-fondazzjoni f’dawn l-aħħar jiem nediet dawk illi jissejħu ‘basktijiet ta’ tama’. Liema basktijiet qed jitqassmu b’xejn u huma maħsuba biex jgħinu lill-pazjenti milquta mill-marda kiefra tal-kanċer.

Is-Sinjura Frendo qalet li l-basktijiet fihom oġġetti li jgħinu lil dak li jkun jaljena ruħu waqt li jkun qed jieħu l-kimoterapija.

Jekk inti tixtieq li tkun involut, tgħin jew issir taf aktar dwar ‘Smiling with Jerome’, tista’ tagħmel dan billi żżur il-paġna ta’ Facebook tal-fondazzjoni, jew minn dan is-sit: https://smilingwithjerome.com/

Aħbarijiet Oħra
Tradizzjonijiet

Dahri kienu jkunu bilqiegħda fuq xi banketta ħa taqa’ biċċiet biswit xi zuntier għall-frisk, libsin qmis bajda qoton, sidrija miftuħa beraħ, u beritta. F’idejhom, l-għannejja kien ikollhom kitarra, u bi…

Kurżitajiet

Il-Karnival tant mistenni, aktarx l-aktar miċ-ċkejknin, jinsab magħna. Madanakollu, lil hinn mill-bluha u x-xalar li jikkaratterizzaw xi ftit jew wisq dawn il-jiem ta’ briju, ‘Sibtek’ illum jissokta b’programm ieħor mimli…

Storja

Fost l-aktar destinazzjonijiet ta’ interess li jinsabu qrib tagħna, u li huma pjuttost imfittxija mill-Maltin, Sqallija. Liema gżira, tinsab tefa’ ta’ ġebla ‘l bogħod minnha, u li tħaddan għadd ta’…

Aktar