Lokali
Ma nkiser ebda dritt ta’ Mario Portelli meta l-Pulizija ħaduh Monte Carmeli – investigazzjoni

Mill-investigazzjoni li saret dwar il-każ ta’ Mario Portelli ħareġ li ma nkisrux id-drittijiet tiegħu u li l-Pulizija aġixxew skont l-Att dwar is-Saħħa Mentali meta ġie arrestat fid-dar tal-ġenituri tiegħu biex ittieħed l-Isptar Monte Carmeli fi Frar li għadda.

Dan ħareġ mir-rapport tal-bord ta’ investigazjoni maħtur mill-Kummissarju tas-Saħħa Mentali li l-konklużjonijiet tiegħu ġew ippubblikati fi tweġiba mogħtija mid-Deputat Prim Ministru u Ministru għas-Saħħa Chris Fearne wara domanda parlamentari li saret mill-Whip tal-Gvern Byron Camilleri.

Dr Fearne qal li għalkemm intemmet l-investigazzjoni b’rabta ma’ dan il-każ, ma jistax jippubblika r-rapport sħiħ minħabba li fih dettalji mediċi u personali tal-persuna in kwistjoni.

Madanakollu, Dr Fearne ikkwota l-konklużjoni tar-rapport kelma b’kelma li fiha jingħad dan li ġej:

“Having taken all the evidence in consideration, the Board does not consider that Mr Portelli’s rights as a mental health service user were breached during the period indicated for investigation. The Police acted under Article 44(4) of the Mental Health Act. The admission process was effected through a first medical assessment at Mater Dei Hospital and subsequently completed with a second specialist assessment effected within 24 hours of admission at Mount Carmel Hospital.”

Il-każ tal-ex uffiċjal tal-Pulizija Mario Portelli qajjem reazzjoni minħabba li hu xandar dirett l-arrest tiegħu b’mod dirett fuq Facebook, filwaqt li l-Alleanza għas-Saħħa Mentali (A4MH) uriet tħassib u talbet għal investigazzjoni fil-mod kif ġie arrestat Portelli.

Il-ġenituri ta’ Mario Portelli, b’ittra bl-avukat, qalu li binhom jinsab taħt gwida medika u li f’kull ma għamlu huma u l-Pulizija sar skont il-liġi u skont l-aħjar prattika professjonali fiċ-ċirkostanzi kollha tal-każ.

Ara wkoll:

Il-ġenituri ta’ Mario Portelli jgħidu li kulma għamlu ma’ binhom sar skont il-liġi

Aħbarijiet Oħra
Lokali

Ir-reklużjoni ta’ priġunieri fil-Faċilità Korrettiva ta’ Kordin għadha meħtieġa? Fl-opinjoni tad-Dekan tal-Fakultà għat-Tisħiħ tas-Soċjetà fl-Università ta’ Malta, il-Professur Andrew Azzopardi, ir-reklużjoni għandha titneħħa għal kollox. Iżda f’għajnejn l-opinjonista Malcolm Seychell,…

Saħħa

Il-mediċina tradizzjonali Ċiniża bdiet eluf ta’ snin ilu, iżda għadha mfittxija sal-lum il-ġurnata, inkluż f’Malta. Eluf ta’ Maltin fl-aħħar snin fittxew it-trattamenti tradizzjonali Ċiniżi fiċ-ċentru mediku Ċiniż. Bl-iffirmar ta’ protokol…

Kronaka

Ir-residenti tal-blokk appartamenti f’Ħal Qormi, fejn seħħ in-nar dalgħodu, ingħataw is-serħan tal-moħħ li jistgħu jibqgħu jgħixu f’darhom. Is-Segretarju Parlamentari għall-Akkomodazzjoni Soċjali Roderick Galdes ikkonferma li wara li l-Awtorità tad-Djar ħadet…

Qorti

Wieħed minn persuni arrestati waqt party fir-Rabat fil-lejl ta’ Santa Marija l-ġimgħa l-oħra, baqa’ miżmum arrestat wara li ġie akkużat li kellu 66 qartas b’sustanza bajda allegatament droga. L-Ingliż, Ralph…

Aktar