Barranin
“Ma rridekx tismagħni nwerżaq” – l-aħħar telefonata lil ommha qabel mietet

“Ħa naqta’, għax ma rridekx tismagħni nwerżaq.” Dan kien il-kliem ta’ Gloria Trevisan lil ommha, ftit minuti qabel ma tilfet ħajjitha fin-nirien li ħakmu t-torri Grenfell f’Londra s-sena li għaddiet.

Trevisan, li kellha 26 sena, tilfet ħajjitha flimkien mal-għarus tagħha u 70 persuna oħra fit-traġedja li kienet seħħet mal-lejl tal-14 ta’ Ġunju 2017.

Il-qraba ta’ wħud mill-vittmi qed jitfgħu dawl fuq l-aħħar mumenti tal-għeżież tagħhom permezz tax-xhieda li qegħdin jagħtu lill-awtoritajiet fl-investigazzjoni dwar dan il-każ.

Omm Trevisan qalet li fuq it-telefon semgħet lil bintha tgħidilha li kienet se taqbeż mit-tieqa, u li n-nar kien diġà jinsab fis-salott. “Ma nistax nemmen li dan it-tmiem, ma nistax nispiċċa hekk,” kienet qaltilha.

Imbagħad qaltilha li kienet se taqta’, għax ma riditiex tismagħha twerżaq. Qaltilha li tixtieq li tintilef minn sensiha u ma tħoss xejn, u li riedet tqatta’ l-aħħar mumenti mal-għarus tagħha Marco. “Qaltilna biex nagħmlu kuraġġ,” tirrakkonta l-omm.

Missier Trevisan qal li jħoss li ħajtu spiċċat, u li kieku dakinhar kellu pistola, kien ineħħi ruħu b’idejh.

Aħbarijiet Oħra
Annimali

Mara nqatlet minn kukkudrill wara li waqgħet ħdejh fl-Indoneżja. Qed ikun irrapportat li l-kukkudrill, li jiżen mas-700kg, ċarrat lil Deady Tuwo ta’ 44 sena. Hija kienet qed titma’ lill-kukkudrill f’razzett…

Barranin

Il-Gvern Ingliż immexxi minn Theresa May fl-aħħar ħin rebaħ bi żbrixx vot ta’ fiduċja li ttieħed mid-deputati fil-House of Commons, fuq il-mozzjoni ta’ sfiduċja li tressqet mill-Mexxej tal-Oppożizzjoni, Jeremy Corbyn….

Barranin

Uffiċjali Spanjoli kkonfermaw li tifel ċkejken ta’ sentejn jinsab maqbud f’bir fond u dejjaq, wara tfittxija li saret mis-servizzi tal-emerġenza, li sabu pakkett ħelu u tazza minn tiegħu fil-bir. Il-media…

Barranin

Minn tal-anqas 14-il persuna nqatlu f’attakk terroristiku mill-grupp al-Shabab f’lukanda fil-belt Nairobi, fil-Kenja. Filmati minn kameras tas-sigurtà juri l-mumenti li fih il-militanti lbieraħ waranofsinhar bdew l-attakk tagħhom fil-kumpless Riverside, li…

Aktar