Barranin
Madonna titlef appell fil-qorti – l-affarijiet personali tagħha se jibqgħu jinbiegħu fi rkant

Qorti tal-Appell f’Manhattan ċaħdet it-talba tal-kantanta Madonna biex twaqqaf il-bejgħ ta’ affarijiet personali tagħha li jinkludu ittra mill-eks maħbub tagħha, Tupac Shakur.

Hija qiegħda tfittex lil Darlene Lutz ex ħabiba tagħha u lil GottaHaveRockandRoll.com, sit tal-irkant online, li fuqu Lutz qed tbigħ l-affarijiet.

Dawn l-affarijiet li qed jinbiegħu huma affarijiet li “sparixxew” meta Madonna kienet qed tiċċalaq minn Miami fl-2004. Dawn l-affarijiet tfaċċaw online f’Lulju 2017.

Il-Qorti qalet li l-pretensjonijiet ta’ Madonna kienu preskritti minħabba ftehim li kien hemm ma’ Lutz, li din setgħet tagħmel li trid b’dawn l-affarijiet hekk kif hija s-sid tagħhom. Madankollu Madonna qalet li ma kienet taf b’xejn li Lutz kellha l-affarijiet, sakemm saret taf bl-irkant li qed tagħmel Lutz. Lutz kienet ħadmet għall-kantanta bejn l-1981 u l-2003.

F’April tas-sena l-oħra, il-Qorti f’Manhattan ma komplitx tisma’ dan il-każ minħabba li l-kantanta kienet ħalliet wisq żmien jgħaddi biex tiftaħ kawża.  Madonna ma kinitx kuntenta b’din id-deċiżjoni u rrikorriet fil-qorti tal-appell, iżda anki hawn il-qorti ċaħdet it-talba tal-kantanta.

Apparti l-ittra mill-ex maħbub ta’ Madonna, l-affarijiet kienu jinkludu brush li fuqha hemm xagħar il-kantanta, kif ukoll ħwejjeġ intimi.

Aħbarijiet Oħra
Barranin

Fir-Renju Unit, ċifri uffiċjali għal bejn Awwissu u Ottubru li għadda wrew li l-ekonomija esperjenzat l-agħar tliet xhur fl-aħħar għaxar snin minħabba li t-tkabbir staġna għalkollox. Iċ-ċifri ħarġu jumejn qabel…

Barranin

Tħabbret il-mewt tal-kantanta Żvediża, Marie Fredriksson. Fredriksson, kienet tkanta mal-grupp ċelebri Roxette u mietet fl-età ta’ 61 sena wara li ħakmitha l-marda tal-kanċer. Il-kantanta kisbet fama internazzjonali fl-1990 bis-saħħa tad-diski…

Barranin

Ajruplan militari bi 38 persuna abbord sparixxa waqt li kien fi triqtu lejn l-Antartika. Fi stqarrija, il-militar Cilen qal li s-C 130 Hercules telaq minn Punta Arenas, bl-operaturi tilfu l-kuntatt…

Barranin

Il-Prim Ministru ta’ New Zealand Jacinda Ardern qalet li mhemm l-ebda sinjal ta’ ħajja fuq il-White Island wara li żbroffa vulkan. 13-il persuna huma maħsub li tilfu ħajjithom, b’ħames min-nies…

Aktar