Lokali
Maħżen jinbidel f’rokna tal-qari għat-tfal tal-Qrendi

Waqt li l-midja soċjali u bosta elementi oħra ta’ kuljum jistgħu qed jagħmlu l-qari inqas attreanti minn qatt qabel, l-Iskola Primarja tal-Qrendi qed tistinka biex l-istudenti tagħha, mhux biss iħobbu l-qari, iżda timliehom ukoll bl-ambizzjoni biex jesploraw it-talenti tagħhom fil-kitba kreattiva.

“Jien meta nikber nixtieq li jew nikteb il-kotba jew xi perit. L-aktar sejra għall-perit imma għadni nofs u nofs li nikteb il-kotba,” qalet Krystle Borg. ” Il-ħolma tiegħi hija li nsir kittieb kreattiv u famuż u nagħmel kotba li jinteressaw lin-nies,” spjega Jordan Farrugia. “Nixtieq insir kittieb famuż u jaffaxinani l-qari,” qal Mark Spiteri.

Il-ħolma ta’ dawn l-istudenti, li jattendu l-Iskola Primarja tal-Qrendi, ingħatat spinta b’idea oriġinali li ħarġet biha waħda mill-edukaturi. “L-idea li jkun hemm reading corner fl-iskola tagħna ġietni minħabba li kien hemm spazju li kien jintuża bħala maħżen u li ma kellniex bżonnu, allura ġiet din l-idea li nużaw dan l-ispazju għal għan tar-reading corner,” fissret l-edukatriċi Marisa Abela.

Din ir-rokna għall-qari, li żżanżnet mill-istudenti u l-ġenituri tagħhom, qed tkompli trawwem fl-istudenti mħabba lejn il-qari.

Ara fil-filmat x’kellhom xi jgħidu l-istudenti u l-ġenituri dwar il-qari:

Aħbarijiet Oħra
Ambjent

Ġie ffirmat ftehim bejn il-Gvern u l-Birdlife Malta dwar l-amministrazzjoni tas-Salini tal-Melħ fis-Salina. Bi ftehim mal-Gvern, il-Birdlife ser tmexxi dan is-sit li huwa l-ikbar riżerva naturali f’Malta. Is-Salini tal-Melħ fis-Salina,…

Agrikultura

Il-ġbejniet tradizzjonali Maltin mistennija jkunu aktar abbundanti b’tibdil fil-liġi li ser tippermetti raħħala żgħar kważi jirduppjaw il-produzzjoni tagħhom. Madankollu dal-pass xejn mhu jogħġob lir-raħħala u produtturi l-kbar li kienu obbligati…

NGOs

Qabel kiseb suċċess fil-karriera mużikali bħala tenur, Cliff Zammit Stevens għadda minn esperjenzi qarsa, b’ommu ssofri quddiemu vjolenza fiżika kontinwa fir-relazzjonijiet tagħha. Disa’ xhur wara mewtha, Cliff irrakkonta l-ġrajjiet koroh…

Kronaka

Raġel ta’ 41 sena weġġa’ gravi wara li ħabat bil-mutur fil-Fgura. L-inċident seħħ għall-ħabta tas-2.00 ta’ waranofsinhar fi Triq San Tumas. Il-Pulizija qalet li mill-ewwel tagħrif jirriżulta li seħħet ħabta…

Aktar