Saħħa
Mal-100 każ ġdid tal-kanċer tal-ġilda fis-sena f’Malta

Fuq l-għatba tas-sajf, id-Dipartiment tad-Dermatoloġija fl-Isptar Boffa flimkien mal-awtoritajiet tas-saħħa tenna t-twissijiet tiegħu dwar il-periklu għas-saħħa mir-raġġi qawwija tax-xemx. Iċ-Chairman tad-Dipartiment Dr Lawrence Scerri qal li f’Malta kull sena qed jidħlu mal-mitt każ ġdid ta’ kanċer tal-ġilda magħrufa bħala melanoma u r-rata tal-imwiet bih tvarja bejn 8 u 9% fis-sena. Dr Scerri qal li minkejja l-kampanji għall-prevenzjoni tal-melanoma, iħoss dieqa meta jara tant nies jixxemxu b’riskju għal saħħithom.

Minkejja l-kampanji edukattivi dwar il-periklu tal-kanċer tal-ġilda ikkawżat mix-xemx, kull sena l-awtoritajiet tas-saħħa f’ Malta qed ikollhom mal-mitt każ ġdid fis-sena u madwar disa’ mwiet kaġun ta’ dan il-kanċer li jista’ jiġi evitat.

Il-Kap tad-Dipartiment tad-Dermatoloġija Dr Lawrence Scerri qal li f’għoxrin sena, il-każi tal-melanoma żdiedu b’67%. Dr Scerri qal li spiss l-pazjent idum ħafna biex jiċċekkja tebgħat partikolari fil-ġilda jew għazez li huma l-ewwel sintomi ta’ dan il-kanċer. Saħaq li l-ewwel pass iżda għandu jkun il-prevenzjoni billi wieħed jevita r-raġġi qawwija tax-xemx l-aktar fis-sajf.

Dr Michael Boffa spjega li mhux kull tebgħa jew għazza fil-ġilda tindika problema, iżda appella biex dawn is-sinjali fil-ġilda jiġu eżaminati b’appuntament mal-professjonisti fl-isptar. Huwa saħaq li r-raġġi tax-xemx jagħmlu ħafna ħsara u appella biex wieħed jevita x-xemx, u fejn hi inevitabbli wieħed jilbes kpiepel u ħwejjeġ u juża kremi apposta kontra r-raġġi UV.

Id-Direttur tad-Dipartiment għall-Promozzjoni tas-Saħħa, Dr Paula Vassallo wissiet lil dawk li jħobbu jixxemxu biex jifmhu li qegħdin jipperikolaw ħajjithom.  Stqarret li l-ġilda esposta għax-xemx, titkemmex u tikrieh. Dr Vassallo qalet li fis-sitta ta’ Mejju, l-isptar Boffa se jagħmel ġurnata ta’ screening għall-pubbliku, fejn il-professjonisti se jwieġbu mistoqsijiet fuq is-saħħa tal-ġilda.

Aħbarijiet Oħra
Budget

B’reazzjoni għad-diskors tal-Prim Ministru fil-Parlament, il-Kap tal-Oppożizzjoni Adrian Delia qal li Joseph Muscat ma’ wieġeb xejn fuq is-sitwazzjoni tal-għalliema, tal-middle class, tal-popolazzjoni tiżdied, fuq il-problemi tal-banek u fis-settur tal-gaming. Fuq…

Ambjent

Il-Ministru għall-Ambjent, Jose Herrera, waqt li rtira l-emenda oriġinali tal-Gvern għall-mozzjoni tal-Oppożizzjoni, ressaq emenda ġdida li permezz tagħha l-Parlament Malti iddikjara emerġenza fil-klima, bil-Kumitat Parlamentari tal-Ambjent u Ippjanar tal-Iżvilpp jinbidel…

Budget

Il-Prim Ministru Joseph Muscat ħabbar li l-Gvern xtara Villa G’Mangia fejn kienet tgħix ir-Reġina biex fiha isir proġett turistiku. Waqt li wieġeb għall-kritika tal-Kap tal-Oppożizzjoni għall-baġit, Dr Muscat żvela li…

Immigrazzjoni

Il-President Emeritu, Marie Louise Coleiro Preca, qalet li s-soċjetà Maltija għandha tagħmel dak kollu possibbli biex toħnoq id-diskors ta’ mibegħda. Hija kienet qed titkellem fid-dawl ta’ rapport minn The Times…

Aktar