Ikel
“Malli tagħmel ix-xita l-bajtar jispiċċa” – frotta xxewwek iżda sustanzjuża mmens

Bil-qilla tax-xemx issa tibda tbatti ftit u b’bibien is-sema mistennija jinfetħu ġmielhom minn ħin għall-ieħor, il-pajsaġġ Malti u Għawdxi f’dawn il-jiem jerġa’ jibda jieħu r-ruħ. Madanakollu, hekk kif tibda traxxax ix-xita f’Settembru, il-pal tal-bajtar tax-xewk li jikkaratterizza għadd ta’ uċuħ tar-raba’ madwarna jibda jobżoq il-bajtar. Frotta, li bosta tinżlilhom għasel għalkemm dak li jkun jista’ jgawdiha mill-Milied sa San Stiefnu.

Fost il-bdiewa li f’dan iż-żmien tas-sena jkollhom irkejjen sħaħ miżgħuda sa ruħ ommhom bil-pal tal-bajtar tax-xewk fir-raba’ tagħhom, Teddy Farrugia. F’kummenti lil tvm.com.mt Teddy spjega li l-bajtar preferibbilment jinqata’ filgħodu peress li wara s-sirda tal-lejl ix-xewka tkun ratba. Qal, li bix-xemx ix-xewk jittempra ruħu.

Ikunx aħmar, isfar jew aħdar, il-bajtar kollu tajjeb. In-nutritionist Dr Antonella Grima stqarret ma’ tvm.com.mt li fost l-oħrajn il-bajtar fih il-fibre, il-vitamina Ċ, iz-zokkor u madwar 40 kalorija biss għal kull 100 gramma. Minkejja dan, Dr Grima qalet li dak li jkun il-bajtar għandu jieklu bil-qies. Żiedet tgħid, li wara li l-bajtra tittiekel tajjeb li wieħed jieħu belgħa ilma.

Mistoqsi jekk it-togħma tal-bajtar tvarjax, Teddy spjega li l-bajtra ta’ xitla għadha żgħira tkun aktar ħelwa fit-togħma u jkun fiha anqas żerriegħa.

Teddy Farrugia – qed jaqta' l-aħħar ftit bajtar tax-xewk

"Malli tagħmel ix-xita 🌧 l-bajtar jispiċċa. Meta nkun ġol-għalqa bil-ġuħ 😋 hi teħel ma' rasi 😂!"Teddy Farrugia qed jaqta' l-aħħar ftit bajtar tax-xewk 🌵. Spjega, li filgħodu l-aħjar ħin biex jinqata' għax ix-xewk bix-xemx 🌡 jittempra ruħu.Aqra aktar: https://www.tvm.com.mt/mt/news/malli-taghmel-ix-xita-l-bajtar-jispicca-frotta-xxewwek-izda-sustanzjuza-mmens/

Gepostet von Television Malta am Mittwoch, 9. September 2020

Aħbarijiet Oħra

Il-kantanta Ruth Portelli il-ġimgħa li għaddiet kienet ir-rebbieħa tal-Konkors Kanzunetta Indipendenza bil-kanzunetta ‘Kuruni’, fuq kliem ta’ Paul Ellul u mużika ta’ Mark Spiteri Lucas. Fi kliem Paul Ellul, ‘il-kanzunetta titratta dwar…

Il-mewt ta’ mijiet ta’ ljunfanti f’daqqa fil-Botswana iktar kmieni din is-sena qajjem tħassib għal din l-ispeċi fl-Afrika li diġà tinsab fir-riskju tal-estinsjoni. Huwa kkalkulat li bejn Mejju u Ġunju mietu…

Balena magħrufa bħala ‘humpback’ li kienet spiċċat fi xmara mimlija kukkudrilli fl-Awstralja, issa rnexxielha tmur lura fil-baħar. Il-balena ntelmħet fin-Northern Territory ġimgħa ilu, u qanqlet biża’ li se tinkalja jew…

Fil-Jum Dinji tat-Tindif, l-attivitajiet f’Malta kienu ffukati biex iwasslu messaġġ dwar il-ħsara li jagħmel il-plastik fil-baħar. Minn attivitajiet ta’ tindif f’erba’ bajjiet popolari, f’għodwa waħda nġabru ‘l fuq minn 150…

Aktar