Riċerka u Innovazzjoni
Malta bi ftehim ma’ università Kanadiża għar-riċerka fil-kannabis mediċinali

Il-Malta Enterprise u ċ-Ċentru dwar ir-Riċerka tal-Kannabis tal-Università McGill iffirmaw ftehim għall-kollaborazzjoni fil-qasam tal-kannabis mediċinali.

Il-Malta Enterprise u l-Università McGill tal-Kanada ffirmaw memorandum of understanding għall-kooperazzjoni fil-qasam tar-riċerka dwar il-mediċina tal-kannabis. Il-ftehim hu riżultat ta’ taħditiet li l-Prim Ministru Joseph Muscat kellu mal-Università Kanadiża waqt iż-żjara tiegħu fil-Kanada f’Settembru li għadda.

Id-direttur taċ-ċentru dwar ir-riċerka tal-kannabis fl-Università McGill, Carolyn Baglole, qalet li għad fadal ħafna riċerka x’issir dwar il-kannabis, fosthom dwar l-użu mediċinali u kwistjonijiet relatati mas-saħħa u s-sigurtà u l-impatt tas-settur tal-mediċina tal-kannabis fuq l-ekonomija. Dr Baglole qalet li r-riċerkaturi miċ-ċentru qed iwettqu studji dwar dawn l-aspetti.

“They are currently conducting clinical trials at McGill and these are ongoing right now, a variety of different medications including for cancer pain,” qalet Dr Baglole.

Il-Professur Donald L Smith qal li mindu dal-aħħar ħafna pajjiżi qed jippermettu l-użu tal-pjanta tal-kannabis għal skop mediku, kiber l-interess f’din ir-riċerka. “We need to have a better understanding of the conditions that effect cannabinoids levels and how they can produce plants that have consistent levels and consistent profiles.”

Mistoqsija għaliex diversi professjonisti huma kawti dwar l-użu tal-kannabis mediċinali, Dr Baglole qalet li l-pjanta għad għandha stigma minħabba l-użu tagħha għal skop rikreattiv.

“Its use and its associated psychoactive effects, have really dampened the enthusiasm for the rest of the potential for cannabis so if we take away the psycho tropic effects which are associated, which is one chemical in the cannabis plant, then it opens up the possibility of a whole range of medicinal applications.”

Il-Ministru tal-Ekonomija u l-Investiment,Chris Cardona, qal li l-ftehim mal-Università McGill se jiffaċilita taħriġ ta’ professjonisti li jaħdmu fis-settur farmaċewtiku, riċerkaturi u tobba biex jaġġornaw ruħhom dwar l-iżviluppi fl-użu tal-mediċina tal-kannabis.

Aħbarijiet Oħra
Kisbiet

Charlayne Galea, segretarja f’kumpanija tad-diving ibbażata x-Xlendi, rebħet il-Premju Ħaddiem tas-Sena fil-qasam tat-turiżmu mogħti mill-Assoċjazzjoni Għawdxija tat-Turiżmu. Matul is-serata ta’ premjazzjoni ġew rikonoxxuti l-aħwa Ġużeppi u George Said għall-kontribut u…

NGOs

Imprenditur ewlieni ta b’kemm jiswew €7 miljun f’ishma tal-kumpanija lil numru ta’ għaqdiet filantropiċi. Paul Gauci, li għandu l-maġġoranza tal-ishma tal-grupp kummerċjali PG, għamel id-donazzjoni lill-ħames għaqdiet filantropiċi, bit-tir li…

Kronaka

Raġel ta’ 41 sena nqabad fil-fatt mill-Pulizija meta llum daħal f’dar f’Bormla, biex allegatament jisraq. Kienu għall-ħabta tas-2.00 ta’ waranofsinhar meta l-Pulizija ġew infurmati minn persuna li qalet li rat…

Politika

Il-Prim Ministru Robert Abela u l-Ministru għal Għawdex, Justyne Caruana kellhom laqgħa mal-Kunsill tal-Kamra tan-Negozju għal Għawdex. Il-Kamra qalet fi stqarrija li l-laqgħa kienet pożittiva u matulha ġew diskussi diversi…

Aktar