Lokali
Malta bir-raba’ l-orħos prezzijiet tal-elettriku fl-UE

Malta għandha r-raba’ l-orħos prezzijiet tal-elettriku fl-Unjoni Ewropea u l-inqas rata ta’ taxxi fuqhom.

Skont ċifri tal-Eurostat għall-2018, il-prezz medju għal kull 100 kilowatt (kWh) ta’ elettriku f’Malta kien ta’ €13.10 waqt li l-prezz medju fl-Unjoni Ewropea f’sena żdied bi 3.5% għal €21 u għaxar ċenteżmi għal kull 100 kilowatt.

L-orħos rati ta’ enerġija tkejlu fil-Bulgarija fil-livell ta’ €10.1, it-tieni fil-Litwanja (€11) u t-tielet fl-Ungerija (€11.2). L-ogħla prezzijiet għall-elettriku jitħallsu fid-Danimarka €31.2, il-Ġermanja €30 u l-Belġju €29.4.

Matul is-sena li għaddiet, il-kontijiet tad-dawl żdiedu l-aktar f’Ċipru bi kważi 20%. Fil-Latvja, il-Polonja, il-Ġermanja u l-Litwanja kien hemm roħs ta’ bejn 1.5%.

Iċ-ċifri juru li bħala medja, fl-Unjoni Ewropea, it-taxxi jagħmlu parti għal aktar minn terz – 37% – tal-prezz tal-elettriku fid-djar. F’Malta l-persentaġġ tat-taxxi hu l-inqas – 6%. L-aktar li jħallsu taxxi fuq l-elettriku huma d-Daniżi – 64%.

Aħbarijiet Oħra
Kisbiet

Il-karozzi Bentley u Rolls Royce huma distintivi u magħrufa għal-lussu. Kristian Cini għad għandu sbatax-il sena, iżda għalkemm għad m’għandux l-età biex isuq, huwa dilettant kbir tal-karozzi Bentley u Rolls-Royce….

Sajd

Idejh jafu jinsġu l-qasab għan-nases, anke b’għajnejh magħluqa. Bis-sengħa tan-nases fid-demm, Ġanni Xuereb, magħruf bħala Ġanni l-Pipi, illum jgħodd iktar minn 80 sena, u għadu ma telaqx in-namra max-xogħol tiegħu, …

Edukazzjoni

Is-sajf wasal biex jintemm u dħalna fl-aħħar ġimgħa qabel ma jerġgħu jibdew l-iskejjel. Iżda x’inhuma s-sentimenti tal-ġenituri u l-istudenti dwar l-bidu tas-sena skolastika ġdida? TVM tkellem mal-ġenituri u l-istudenti. Mal-wieħed…

Aktar