Politika
Malta bit-tieni l-akbar tniġġis fl-arja fl-Ewropa kawża tan-nuqqas ta’ pjan ambjentali – il-PN

Il-Kelliem tal-Partit Nazzjonalista għas-Saħħa, Stephen Spiteri, qal li n-nuqqas ta’ pjan ambjentali tal-Gvern wassal biex Malta għandha t-tieni l-akbar tniġġis fl-arja fl-Ewropa.

Qal li t-tniġġis tal-arja qed jaffettwa mijiet ta’ persuni, jikkawża mard bħall-asthma u hu l-kaġun ta’ kanċer fil-pulmun u mard ieħor li huwa marbut direttament mat-tniġġis tal-arja. F’dan l-isfond, Dr Spiteri qal li ċ-ċifri juru kemm il-Gvern ma jimpurtahx mill-konsegwenzi gravi fuq is-saħħa tal-familji.

Semma wkoll rapport tal-Aġenzija Ewropea tal-Ambjent li juri li Malta għadha r-raba’ l-agħar kwalità tal-arja. F’dan l-isfond, Dr Spiteri semma li l-imwiet minn mard respiratorju żdied għal 600 fis-sena.

Il-kandidata nazzjonalista għall-Parlament Ewropew, Roselyn Borg Knight, qalet li l-Partit Nazzjonalista għandu tmien proposti fil-manifest elettorali li jindirizzaw dawn l-isfidi. Qalet li dawn jinkludu pjan għal tnaqqis fit-traffiku u tisħiħ tal-politika tal-immaniġġjar tal-iskart.

Aħbarijiet Oħra
Lokali

“Għajnu Aħmar it-Tonn” jew “It-Tonn tal-Melliħin” kienet l-għajta tas-sajjieda Melliħin li sal-bidu tas-sittinijiet kienu jbiegħu t-tonn li jaqbdu bit-Tunnara. Is-sajd bit-tunnara nqata’ iżda fil-mużew tat-Tunnara fil-bajja tal-Mellieħa, għaqda volontarja Melliħija ikkonservat…

Pulizija

Fl-aħħar xahrejn, l-uċuħ ta’ erba’ Pulizija saru familjari mal-komunità tal-Mellieħa. Ir-residenti laqgħuhom u jqisuhom “ta’ ġewwa”. Dawn l-erba’ uffiċċjali jiffurmaw l-ewwel Community Policing Team fi proġett pilota mniedi mill-Korp. Intervistat…

Malta

Fil-Greċja, hemm madwar 3,500 persuna b’konnessjonijiet Maltin, il-maġġoranza f’Korfu fejn jgħixu Griegi b’nisel Malti li saħansitra jwasslu sar-raba’ u l-ħames ġenerazzjoni. Waqt żjara fil-Greċja, il-President George Vella ltaqa’ ma’ rappreżentanti…

Kisbiet

Imwieled Malta u emigra lejn l-Awstralja 44 sena ilu wara li gradwa mill-Università ta’ Malta dak iż-żmien kienet magħrufa bħala The Royal University of Malta. F’intervista ma’ TVM, il-Professur Stephen…

Aktar