Saħħa
Malta bit-tieni l-ogħla rata fl-Ewropa tal-marda sesswali s-Sifilide

Is-Sifilide, marda trasmessa sesswalment, infirxet b’rata mgħaġġla f’Malta mill-2007 ‘l hawn hekk kif pajjiżna qed jikklassifika bit-tieni l-ogħla rata tal-marda fl-Ewropa.

Skont l-aġenzija Ewropea għall-Prevenzjoni u kontroll tal-Mard (ECDC), l-Ewropa qed tesperjenza żieda sostanzjali tal-marda bl-Iżlanda tikklassifika fl-ogħla post b’rata ta’ 15.4 każ tal-infezzjoni għal kull 100,000 persuna segwita minn Malta b’13.5 każ għal kull 100,000 persuna. Ir-Renju Unit jinsab fit-tielet post b’11.5 każ.

It-tabib Andre Amato-Gauci, li mexxa dan l-istudju dwar mard trasmess sesswalment għall-ECDC, qal li din il-marda żdiedet b’70% f’temp ta’ 10 snin minħabba diversi fatturi.

It-tabib qal li xi persuni qed jagħżlu li jkollhom x’jaqsmu mingħajr ma jieħdu l-prekawzjonijiet meħtieġa. L-inċidenza qed kull ma jmur tikber ukoll l-għaliex qed jiżdiedu l-każijiet ta’ persuni li jkollhom x’jaqsmu ma’ aktar minn persuna waħda filwaqt li jemmen ukoll li l-kultura teknoloġika tad-dating apps bħal Tinder u Grindr, li wieħed juża biex ikollu x’jaqsam ta’ malajr ma’ persuni ġodda, qed tgħin lill-marda tkompli tinxtered.

Dr Amato-Gauci qal li hemm bżonn ta’ aktar għarfien dwar din il-marda u l-konsegwenzi li ġġib magħha filwaqt li jemmen li għandhom isiru kampanji dwar kif wieħed għandu jagħmel biex jara li ma jispiċċax ilaqqat dan il-mikrobu.

Is-Silifide twassal għal ulċeri fil-partijiet intimi u raxx li jinfirex mal-ġisem kollu, problemi fil-qalb, problemi newroloġiċi kif ukoll twassal għal korrimenti jew trabi li jitwieldu mejta.

Aħbarijiet Oħra
Kronaka

Żewġ xufiera ta’ coaches dalgħodu rrikorrew għall-kura f’ċentru tas-saħħa wara ħabta fl-ajruport internazzjonali ta’ Malta. L-inċident seħħ għall-ħabta tas-6.00am bejn coach tal-Aviaserv u coach tal-AirMalta, li ma kinux qed iġorru…

Xogħol

Il-Ministru Edward Zammit Lewis, filwaqt li nieda l-Premju Nazzjonali Ħaddiem tas-Sena, qal li l-ekonomija tistrieħ fuq il-ħaddiem, u li dan il-premju jirrikonoxxi l-bżulija. Iċ-Chairperson tal-kumitat organizzattiv, Angela Agius, spjegat li…

Kultura

Waqt konferenza tal-aħbarijiet tħabbar il-kunċert innovattiv bis-sehem tal-mużiċisti tal-banda, Ħuġġieġa tal-Banda 12th May b’għajnuna ta’ fondi mill-Kunsill Malti għall-Arti. Il-banda 12th May ta’ Ħaż Żebbuġ bħalissa qed tipprepara għall-proġett Ħuġġieġa,…

Sigurtà

Il-kumpanija ARMS iċċarat li l-ħaddiema tagħha li jintbgħatu jaqraw il-meters tad-dawl u l-ilma jridu jkunu lebsin l-uniformi kif tidher fir-ritratt. TVM infurmat li fl-aħħar ġimgħat xi residenti esprimew tħassib dwar…

Aktar