Lokali
Malta bl-aqwa tkabbir ekonomiku fl-UE fis-sentejn li ġejjin

L-aħħar tbassir ekonomiku tal-Kummissjoni Ewropea jpoġġi lil Malta bl-akbar tkabbir ekonomiku fl-Unjoni Ewropea fis-sentejn li ġejjin u bit-tielet l-inqas rata ta’ qgħad wara r-Repubblika Ċeka u l-Ġermanja. Ir-rapport ibassar li l-Gvern se jibqa’ ikollu surplus fil-finanzi pubbliċi u tkabbir ekonomiku qawwi anke jekk b’pass aktar moderat meta mqabbel mal-aħħar ftit snin.

L-esperti ekonomiċi tal-Kummissjoni Ewropea qed ibassru li waqt li din is-sena l-ekonomija Maltija mistennija tikber b’ħamsa fil-mija (5%), fis-sentejn li ġejjin se tikber b’rata medja ta’ erbgħa fil-mija fis-sena, madwar tliet darbiet aktar mit-tkabbir medju fiż-żona ewro (Malta – 2020 – 4.2%; 2021 – 3.8%; Żona ewro – 2020 – 1.2%; 2021 – 1.2%).

It-tbassir ekonomiku tal-ħarifa tal-Kummissjoni Ewropea juri li l-ekonomija Ewropea daħlet f’perjodu twil ta’ tkabbir kajman iżda dik Maltija se tibqa’ l-aktar waħda b’rata għolja, anke jekk kemmxejn inqas mir-ritmu tal-aħħar ftit snin. Il-Kummissjoni tosserva li dan se jseħħ l-aktar minħabba li l-konsum privat u l-esportazzjoni se jimmoderaw.

Il-Kummissjoni tirrapporta li l-attività ekonomika f’Malta għadha fi kliemha vibranti filwaqt li sal-2021, is-suq tax-xogħol se jibqa’ b’saħħtu u b’rata ta’ qgħad fil-livell ta’ 3.5%, kważi nofs ir-rata fl-Unjoni Ewropea. Fis-sentejn li ġej, l-inflazzjoni mistennija tiżdied marġinalment waqt li l-Gvern mistenni jkompli ikollu surplus fil-finanzi pubbliċi ta’ madwar wieħed fil-mija tal-ġid nazzjonali.

Il-Gvern qal fi stqarrija li r-riżultati ekonomiċi li l-Kummissjoni Ewropea qed tbassar għal Malta jikkuntrastaw mal-kundizzjonijiet ekonomiċi lil hinn minn Malta, li mistennija jmorru għall-agħar. Fl-istqarrija ntqal li l-Gvern se jkompli jaħdem biex it-tkabbir rekord li qed jinkiseb ikompli fis-snin li ġejjin.

Aħbarijiet Oħra
Lokali

Is-servizz tal-posta Malti lejn iċ-Ċina ġie sospiżi b’effett immedjat minħabba li diversi linji tal-ajru ssospendew it-titjiriet lejn iċ-Ċina. Il-Maltapost ħabbret li se twaqqaf dawn is-servizzi sakemm jinħareġ avviż ieħor minkejja…

Parlament

Il-Parlament beda d-diskussjoni fl-istadju tat-tieni qari l-abbozz ta’ liġi li jemenda l-att dwar il-ħatra tal-Kummissarju tal-Pulizija. L-abbozz tressaq mill-Ministru għall-Intern, Byron Camilleri li qal li l-Gvern se jneħħi s-setgħa tiegħu…

Annimali

David Pace ingħata sentenza sospiża flimkien ma’ multa ta’ €25,000 mill-Maġistrrat Donatella Frendo Dimech wara li nstab ħati ta’ trattament ħażin tal-annimali u li rreżista lill-uffiċjali pubbliċi meta f’Dicembru tal-2017…

Politika

Il-Kummissjoni Permanenti kontra l-Korruzzjoni kkonkludiet li ma jirriżultax li l-Ministru Ian Borg jew xi uffiċjal tal-Awtorità tal-Ippjanar jew tal-Awtorità tat-Turiżmu rċieva xi flus jew xi vantaġġ ieħor fil-proġett taċ-ċentru interpretattiv…

Aktar