Lokali
Malta bl-ogħla tkabbir ekonomiku fiż-żona ewro

Bl-aħħar ċifri tat-tkabbir ekonomiku, il-Ministru tal-Ekonomija u l-Investiment, Chris Cardona, qal li dawn juru li l-ekonomija Maltija mhux biss sejra tajjeb iżda qed tiżboq l-aspettattivi, saħansitra t-tbassir li għamlet il-Kummissjoni Ewropea. Dr Cardona qal li bit-tkabbar ta’ 7.2%, Malta għandha l-ogħla rata ta’ tkabbir ekonomiku fiż-żona tal-Ewro.

Il-Ministru tal-Ekonomija u l-Investiment Chris Cardona qal li fis-sajf li għadda Malta kellha l-ikbar rata ta’ tkabbir ekonomiku li qatt ġie rreġistrat fit-tielet kwart tas-sena.

F’konferenza tal-aħbarijiet, il-Ministru Cardona qal li Malta qiegħda tiżboq kull aspettativa u saħansitra qabżet b’1.6% l-previżjonijiet tal-Unjoni Ewropea b’żieda fil-Prodott Domestiku Gross ta’ 7.2%. Qal li dan kien l-ogħla tkabbir fiż-żona Ewro.

Dr Cardona qal li l-prospetti ekonomiċi huma tajbin u semma li l-aħħar stħarriġ tal-Kummissjoni Ewropea li sar ix-xahar l-ieħor reġa’ wera l-ogħla livell ta’ ottimiżmu kemm mill-familji u negozji Maltin.

Mistoqsi jekk kienx hemm xi settur li waqa’ lura, Dr Cardona qal li ma kien hemm l-ebda qasam li kiseb riżultati anqas milli kien previst.

“Il-konsum lokali li huwa indirizzat mill-Kummissjoni Ewropea bħala fattur ewlieni li kkontribwixxa għat-tkabbir ekonomiku, flimkien mal-interess li dan il-pajjiż jiġġenera bħala ġurisdizzjoni ta’ reputazzjoni qawwija, min-naħa l-oħra rajna wkoll tkabbir mhux dak li għandu x’jaqsam ma’ setturi finanzjari bħall-finanzjari u gaming imma setturi oħrajn bħall-amministrazzjoni, retail, il-kostruzzjoni,” fisser il-Ministru.

Dr Cardona qal is-settur finanzjarju kiber b’€47 miljun. Qal li l-manifattura żiedet is-sehem taghha fl-ekonomija bi 8.2%, li qal huwa ogħla mill-medja tal-Unjoni Ewropea.

Aħbarijiet Oħra
Immigrazzjoni

164 pajjiż fosthom Malta iffirmaw dak li qed jissejjaħ Patt Globali dwar l-Immigrazzjoni Ordnata u Regolari. Waqt ċerimonja f’Marrakech fil-Marokk, intqal li dan il-patt se jwassal għall-immaniġġjar aħjar tal-migrazzjoni f’tentattiv…

Lokali

L-iskart organiku li beda jinġabar fl-aħħar xahar u nofs diġà qed jiġġenera l-enerġija daqskemm tintuża minn aktar minn 6,000 familja. Il-Kap Eżekuttiv tal-Wasteserv David Borg qal lil TVM li l-iskema…

Lokali

L-Awditur Ġenerali innota li t-tisħiħ fil-liġi tal-volontarjat li saru din is-sena għandhom isaħħu jdejn il-Kummissarju tal-Volontarjat fil-funzjoni regolatorja u l-governanza fis-settur tal-volontarjat. F’rapport li ppreżenta lill-Parlament, l-Awditur Generali Charles Deguara…

Lokali

Għalkemm qed ngħixu f’dinja li saret raħal u miżgħud b’mezzi teknoloġiċi, qed tikber il-pjaga tas-solitudni u magħha l-esklużjoni soċjali. Il-problema tinħass fil-faxex kollha tas-soċjetà, mit-tfal sal-anzjani u taf tiggrava fiż-żminijiet…

Aktar