Lokali
Malta bl-ogħla żieda fir-rata tal-impjiegi fost il-pajjiżi tal-UE

Malta hija l-iktar pajjiż li ra żieda ta’ impjiegi bejn April u Ġunju meta mqabbel mal-ewwel tliet xhur ta’ din is-sena minn fost il-pajjiżi kollha tal-Unjoni Ewropea.

Ċifri tal-Eurostat juru li l-impjiegi f’Malta żdiedu b’1% fit-tieni tliet xhur tas-sena, bi Spanja bit-tieni l-għola rata ta’ 0.9%.  Fuq medda ta’ sena, ir-rata ta’ impjiegi ta’ Malta żdiedet b’4.7%, l-ikbar żieda minn fost il-pajjiżi tal-Unjoni.  Isegwi l-Portugall b’żieda ta’ 3.6%.

Il-Eurostat juri li ż-żieda tal-impjiegi fost il-pajjiżi taż-żona Ewro u tat-28 pajjiż membru hija ta’ 0.4% meta mqabbel mal-istess perjodu tas-sena li għaddiet.

B’paragun mat-tliet xhur ta’ qabel, bejn April u Ġunju ż-żieda tal-impjiegi fiż-żona Ewro tammonta għal 1.6%, filwaqt li fil-pajjiżi kollha tal-UE r-rata hija ta’ 1,5%.

Il-Eurostat qed jgħid li dawn iċ-ċifri juru livelli rekord ta’ ċittadini Ewropej li sabu impjieg fil-perjodu mistħarreġ.

Aħbarijiet Oħra
Ġurnali

Ħarsa lejn l-istejjer li nsibu fil-faċċati tal-ġurnali tal-lum il-Ħamis 19 ta’ Lulju. In-Nazzjon jirrapporta li nhar it-Tlieta uffiċjal tal-ħabs spiċċat aggredita, imsawta u migrufa minn priġuniera waqt li din tal-aħħar…

Avjazzjoni

Żvelata d-dehra l-ġdida tal-akbar ajruplan li jtajjar il-bandiera Maltija – Airbus A380 – tal-kumpanija HiFly. L-ajruplan li ġie rreġistrat f’Malta dan ix-xahar iġorr qrib il-500 passiġġier, b’faċilitajiet lussużi għal dawk…

Kultura

Tmien disinjaturi tal-moda, seba’ barranin u Malti, se juru l-kollezzjonijiet il-ġodda tal-ħwejjeġ u l-aċċessorji fil-Palazz tal-Verdala bħala parti minn serata b’tiżwiqa ta’ kultura u moda. TVM tkellem ma’ disinjatriċi Taljana,…

Kronaka

Mara ġiet rikoverata wara li kienet riekba fuq mutur li ħabat ma karozza fil-limiti ta’ Ħal Tarxien. L-inċident seħħ għall-ħabta tas-6.00 ta’ filgħaxija fi Triq tal-Barrani. Il-Pulizija qalet li mill-ewwel…

Aktar