Lokali
Malta fost l-10 pajjiżi fid-dinja bl-aħjar servizz tas-saħħa

Skont klassifika ppubblikata fil-ġurnal mediku The Lancet, Malta tinsab fit-8 post minn 188 pajjiż f’dik li għandha x’taqsam mal-mira fil-qasam tas-saħħa tal-Ġnus Magħquda.

Fi stqarrija l-Gvern qal li f’analiżi simili ppubblikata s-sena li għaddiet, Malta kienet fl-14-il post. Dan ifisser li matul din is-sena f’Malta ġie mkejjel titjib konsiderevoli li wassal biex titla’ sitt postijiet ’il fuq fil-klassifika.

Dan l-istudju jikkalkula numru ta’ indikaturi għal żvilupp sostenibbli fil-qasam tas-saħħa, u Malta kisbet punti massimi (100) f’numru ta’ oqsma fosthom: mortalità fit-tfal, malarja u mwiet minn ivvalenar. Mill-banda l-oħra Malta kisbet punti tajbin ħafna (’il fuq minn 90) f’dak li għandu x’jaqsam ma’ tilqim, sanità, kwalità tal-ilma u iġjene.

Indikaturi li jissemmew fl-istudju u li Malta għad għandha bżonn taħdem fuqhom huma l-obeżità fit-tfal u l-inċidenza tal-HIV.

Aħbarijiet Oħra
Ġurnali

Ħarsa lejn l-istejjer li nsibu fil-faċċati tal-ġurnali tal-lum il-Ħamis 19 ta’ Lulju. In-Nazzjon jirrapporta li nhar it-Tlieta uffiċjal tal-ħabs spiċċat aggredita, imsawta u migrufa minn priġuniera waqt li din tal-aħħar…

Avjazzjoni

Żvelata d-dehra l-ġdida tal-akbar ajruplan li jtajjar il-bandiera Maltija – Airbus A380 – tal-kumpanija HiFly. L-ajruplan li ġie rreġistrat f’Malta dan ix-xahar iġorr qrib il-500 passiġġier, b’faċilitajiet lussużi għal dawk…

Kultura

Tmien disinjaturi tal-moda, seba’ barranin u Malti, se juru l-kollezzjonijiet il-ġodda tal-ħwejjeġ u l-aċċessorji fil-Palazz tal-Verdala bħala parti minn serata b’tiżwiqa ta’ kultura u moda. TVM tkellem ma’ disinjatriċi Taljana,…

Kronaka

Mara ġiet rikoverata wara li kienet riekba fuq mutur li ħabat ma karozza fil-limiti ta’ Ħal Tarxien. L-inċident seħħ għall-ħabta tas-6.00 ta’ filgħaxija fi Triq tal-Barrani. Il-Pulizija qalet li mill-ewwel…

Aktar