Politika
Malta għandha vantaġġ kompetittiv li tiddeċiedi r-rata ta’ taxxa tagħha – il-PN

II-Kandidat tal-Partit Nazzjonalista għall-elezzjonijiet tal-Parlament Ewropew Peter Agius, qal li Malta għandha vantaġġ kompetittiv li tiddeċiedi r-rata ta’ taxxa tagħha. Dr Agius qal li b’dak li qed jgħid Frans Timmermans li jrid rata ta’ taxxa ta’ 18% għall-Ewropa kollha jhedded l-impjieg ta’ 27,000 ruħ fl-industrija tal-gaming u s-servizzi finanzjarji.

Dwar li t-taxxa għadha kompitenza nazzjonali, Dr Agius qal li sa qabel is-sebgħinjiet u d-disgħinjiet, anke l-ambjent u l-immigrazzjoni kienu kompetenza nazzjonali u ma baqgħux u saru kompetenza Ewropea.

Il-Kandidat Nazzjonalista Frank Psaila qal li fuq naħa hemm il-Partit Nazzjonalista li qed jagħmel proposti biex jibqa’ jinħoloq ix-xogħol, u fuq naħa oħra hemm il-Partit Laburista li skont Dr Psaila jrid li r-rata tat-taxxa tkun stabbilita mill-Unjoni Ewropea u b’hekk joħloq diżastru fil-qasam tax-xogħol.

Mistoqsi fuq il-billboard tal-Partit Nazzjonalista dwar il-kanċer, Dr Psaila qal li l-Ewropa kollha trid tiġġieled din il-marda flimkien, kif qed ikun propost fil-manifest elettorali tal-Partit Popolari Ewropew.

Aħbarijiet Oħra
Politika

Jidher li l-partiti għamlu ħidma akbar biex jiġu eletti aktar nisa eliġibbli għall-kandidatura anke fost il-partiti ż-żgħar fuq livell Ewropew. Il-Professur Carmen Sammut qalet li fuq livell Ewropew, il-“family friendly…

Politika

Il-Membru Parlamentari għall-Partit Laburista Alex Muscat qal li r-riżultat ta’ din l-elezzjoni tal-Parlament Ewropew huwa l-ewwel ġudizzju tal-poplu wara l-każ Egrant. Dan Alex Muscat qalu waqt il-programm Insights immexxi mill-ġurnalista…

Politika

F’kollegament dirett ma’ TVM, fuq il-programm Insights immexxi mill-ġurnalista Norma Saliba, l-uffiċjal tal-Partit Laburista Louis Gatt, qal li ħarġu xi riżultati proviżorji mill-ewwel għadd tal-voti. Dr Miriam Dalli għall-Partit Laburista…

Aktar