Lokali
Malta identifikata mill-Eurostat bħala l-pajjiż Ewropew bl-akbar żieda fl-għadd ta’ infermiera li qed jilħqu

Il-Eurostat identifika lil Malta bħala l-pajjiż Ewropew bl-ikbar żieda fin-numru ta’ infermiera li qed jilħqu. Dan qalitu Dr Roberta Sammut, id-Dekan tal-Fakultà tax-Xjenza Medika fl-Università ta’ Malta, waqt riċeviment ta’ awgurju mal-infermiera l-ġodda li sar ilbieraħ ġewwa l-Ministeru għas-Saħħa.

B’kollox, mill-2009 sa din is-sena se jkunu laħqu 1,175 infermier ġdid f’pajjiżna.

Din is-sena diġà lestew il-kors tal-infermiera u l-qwiebel 157 student, filwaqt li 22 oħra baqgħalhom xi eżamijiet sal-aħħar ta’ dan ix-xahar. B’hekk, b’kollox se jkunu qed jiggradwaw 179 infermiera ġodda din is-sena, u dan huwa wieħed mill-akbar numri ta’ gradwati fl-infermerija f’dawn l-aħħar għaxar snin.

Fid-diskors tiegħu, id-Deputat Prim Ministru u Ministru għas-Saħħa Chris Fearne irringrazzja lill-infermiera għar-rwol tagħhom fil-qasam tas-saħħa għall-ġid tal-pazjent. Huwa qal li ż-żieda fl-infermiera tawgura tajjeb għas-settur tas-saħħa.

Aħbarijiet Oħra
Kronaka

Anzjana ndarbet gravi wara li ntlaqtet minn karozza. L-inċident seħħ għall-ħabta tat-8am fi Triq Desain, il-Birgu. Il-Pulizija qalet li raġel ta’ 61 sena residenti Ħal Tarxien kien qed isuq vettura…

Lokali

Stennija għall-Budget hekk kif illum il-Ministru tal-Finanzi Edward Scicluna fil-Parlament jippreżenta l-Budget għas-sena d-dieħla li huwa t-tielet Budget tal-Gvern f’din il-leġislatura. TVM ħejja skeda speċjali ta’ xandir tal-Budget. Ix-xandira fuq…

Lokali

“Għajnu Aħmar it-Tonn” jew “It-Tonn tal-Melliħin” kienet l-għajta tas-sajjieda Melliħin li sal-bidu tas-sittinijiet kienu jbiegħu t-tonn li jaqbdu bit-Tunnara. Is-sajd bit-tunnara nqata’ iżda fil-mużew tat-Tunnara fil-bajja tal-Mellieħa, għaqda volontarja Melliħija ikkonservat…

Aktar