Lokali
Malta kważi f’nofs triq fl-ugwaljanza bejn in-nisa u l-irġiel

L-Istitut Ewropew għall-Ugwaljanza tal-ġeneru kklassifika lil Malta fil-ħmistax il-post, kważi nofs triq fl-ugwaljanza bejn in-nisa u l-irġiel. L-indiċi jkejjel diversi fatturi li jiddeterminaw il-kwalità ta’ ħajja tan-nisa f’pajjiżi Ewropej, mix-xogħol, saħħa, poter, saħħa għall-bilanċ bejn il-karriera u l-familja u l-indipendenza finanzjarja.

Malta kklassifikat fil-ħmistax-il post fost it-28 pajjiż tal-Unjoni Ewropea fl-indiċi tal-ugwaljanzi tal-ġeneru li jqies fatturi bħax-xogħol u l-impjiegi, il-finanzi u l-poter, is-saħħa, l-indipendenza finanzjarja, il-ħin għall-volontarjat u l-vjolenza fil-konfront tan-nisa.

B’medja ta’ 62.5, Malta kisbet kważi ħames punti inqas mill-medja tal-Unjoni Ewropea u żammet l-istess pożizzjoni li kellha fl-2005 minkejja li tejbet il-punti tagħha.

Dr. Josanne Cutajar mill-Università ta’ Malta qalet li l-istampa li toħroġ minn dan l-indiċi għandha diversi dimensjonijiet. Qalet li filwaqt li Malta tinsab fost l-ewwel tliet pajjiżi tal-Unjoni Ewropea għall-ugwaljanza f’oqsma bħas-saħħa u għamlet passi sostanzjali fl-oqsma tax-xogħol u l-indipendenza finanzjarja, għadha batuta fir-rappreżentazzjoni tal-mara fil-politika u f’pożizzjonjiet fuq bordijiet u f’karigi fejn jittieħdu d-deċiżjonijiet.

”Għax aħna min-natura tagħna… immorru fl-areas fejn hemm nies bħalna, ngħidulu homophily… fl-areas fejn jibdew deħlin in-nisa tibda tara reaction, sakemm ikunu nisa u rġiel waħedhom… se jkollhom ħafna impatt mentali illnesses minħabba l-istress… meta jibdew ikunu thirty percent f’dik l-area tibda tara li jkollhom iżjed assertiveness.”

Dr. Cutajar attribwixxiet id-diskrepanza għal għadd ta’ fatturi fosthom in-nuqqas tan-nisa fl-oqsma tal-volontarjat f’ambjenti ddominati mill-irġiel bħal każini tal-baned u politiċi, istituzzjonijiet reliġjużi u clubs sportivi. Irrimarkat li s-sehem tan-nisa fl-oqsma bħax-xjenza, inġinerija, matematika, finanzi u t-teknoloġija mhux b’saħħtu minkejja li żdiedu l-gradwati nisa.

”Dik turi li forsi Malta għandha ċ-ċans li jekk ikun hemm strutturi li nistgħu ninvestu fihom u nagħmluhom aħjar… inġibu l-preżenza tan-nisa iżjed aħjar fl-isfera pubblika.”

Il-pajjiżi Skandinavi bħall-Iżvezja u d-Danimarka kisbu l-iżjed punteġġ għoli għall-ugwaljanza, u kienu segwiti minn Franza, il-Finlandja u r-Renju Unit. Il-pajjiżi li marru l-agħar huma l-Polonja, ir-Rumanija, l-Islovakkja l-Ungerija u l-Greċja.

Aħbarijiet Oħra
Lokali

Il-Ministru għall-familja, id-drittijiet tat-tfal u solidarjetà soċjali Michael Falzon qal li bħalissa hemm 278 tifel u tifla li huma taħt ordni ta’ ħarsien mill-Aġenzija Appoġġ. Fi tweġiba parlamentari lid-deputat nazzjonalista…

Lokali

Il-Ministru għall-familja, id-drittijiet tat-tfal u solidarjetà soċjali Michael Falzon qal li s-sena li għaddiet kien hemm disa’ każi ġodda ta’ traffikar uman. Fi tweġiba parlamentari għall-mistoqsija tad-deputat nazzjonalista Claudette Buttigieg, il-Ministru Falzon…

Politika

L-Istitut tal-Ġurnalisti Maltin ikkundanna attakki personali li saru lbieraħ u llum minn żewġ deputati tal-Partit Nazzjonalista fuq ġurnalist li għandu programm fuq l-istazzjon ONE. L-IĠM qal li minbarra diversi rapporti…

Lokali

Il-fondazzjoni għas-servizzi ta’ ħarsien soċjali qed taħdem ma’ 1,300 vittma ta’ vjolenza domestika f’1,324 każ li għandha f’idejha. Il-Ministru għall-familja, drittijiet tat-tfal u solidarjetà soċjali Michael Falzon qal dan fi…

Aktar