Politika
Malta mhix stmata mill-istituzzjonijiet Ewropej – il-PD

Il-Partit Demokratiku fi stqarrija qal li jinnota li l-portafoll tal-ugwaljanza li ngħatat Malta ma tantx tagħtina ġieħ u li huwa l-aktar wieħed dgħajjef li qatt ingħatajna.

Dan qalu Dr Godfrey Farrugia filwaqt li sostna li Malta se tkun qed tieħu ħsieb parti żgħira minn dak li darba kien portafoll tal-politika soċjali.

F’termini politiċi, il-PD qal li dan juri biċ-ċar tnaqqis fl-istatura ta’ Malta filwaqt li jemmen li dan il-portafoll ma jistax jinfluwenza direttament kwistjonijiet importanti li joqltu lil pajjiżna bħall-immigrazzjoni, il-gaming, l-ekonomija, l-ambjent u l-kummerċ fost oħrajn.

Skont il-PD, il-fatt li ftit xhur ilu l-Prim Ministru Joseph Muscat ma ngħatax pożizzjoni fl-UE, din l-għotja tkompli tixhed kemm Malta mhix stmata mill-istituzzjonijiet Ewropej.

Fl-istqarrija, il-PD kompla jgħid li l-kapital politiku ta’ Malta ddeġenera għaliex il-gvern naqas milli jaġixxi fuq xi kwistjonijiet li spiċċaw għamlu dannu lir-reputazzjoni tal-pajjiż.

Aħbarijiet Oħra
COVID-19

Is-Supretendent tas-Saħħa Charmaine Gauci qalet li fl-aħħar 24 siegħa saru 1,247 swab tests li minnhom ħareġ każ wieħed pożittiv. Hija qalet li fiequ 6 persuni mill-virus. Biex b’hekk issa hemm…

Kronaka

Il-Pulizija ġabret u qed tanalizza r-ritratti u filmati li xxandru fuq il-midja nkluż fuq Facebook, biex toħroġ it-taħrikiet relatati maċ-ċelebrazzjonijiet tal-partitarji Furjaniżi fuq il-Fosos. Kelliem għall-Ministeru tal-Intern ikkonferma li l-multi…

Avjazzjoni

Il-kumpanija tal-ajru Emirates qed tieħu l-miżuri kollha neċessarji f’dak li għandu x’jaqsam mal-iġenje, is-saħħa u s-sigurtà tal-passiġġieri kif ukoll tal-ħaddiema tagħha. L-uniformi l-ġdida tal-membri tal-ekwipaġġ se tinkludi mil-lum ‘il quddiem…

Press Briefings

Fin-12:30 is-Supretendent tas-Saħħa Pubblika, Charmaine Gauci, se tkun qed tagħti l-aħħar aġġornamenti dwar is-sitwazzjoni tal-Covid-19. Il-konferenza tal-lum se tixxandar dirett fuq TVM, Radju Malta, tvm.com.mt u fuq il-paġna ta’ Facebook Television…

Aktar