Sport
Malta se terġa’ tilqa’ s-Super League Triathlon f’Ottubru

Għat-tieni darba f’sena, Malta se tospita l-ikbar avveniment tat-triathlon fid-dinja; is-Super League Triathlon.

Dan l-isport, li fih jieħdu sehem fost l-iprem atleti fid-dinja, huwa magħruf għall-isfidi li joffri, għax iżewweġ tliet dixxiplini sportivi flimkien; l-għawm, il-qdif bir-roti u l-ġiri.

F’konferenza tal-aħbarijiet, il-Ministru għat-Turiżmu, Konrad Mizzi, qal li s-Super League Triathlon isservi biex tattira turisti ta’ kwalità u tpoġġi lil Malta fuq il-mappa tad-dinja bħala destinazzjoni sportiva.

Fi tmiem il-ġimgħa tad-19 u l-20 ta’ Ottubru, l-inħawi tal-Kottonera, speċjalment tal-Birgu, se jkunu miżgħuda atleti professjonali fl-edizzjoni tas-Super League Triathlon, li Malta se tospita għat-tieni darba f’sena. F’dan l-avveniment sportiv, li għalih jattendu fost l-aqwa atleti fid-dinja li jikkompetu bejniethom fi tliet dixxiplini sportivi f’daqqa; l-għawm, il-qdif bir-roti u l-ġiri.

Il-Kap Eżekuttiv tas-Super League Triathlon, Michael Dhulst, qal li l-isfond tal-Port il-Kbir waqt it-tiġrijiet tal-atleti hu xenarju stupend għal dan l-avveniment sportiv li jixxandar fid-djar ta’ aktar minn biljun persuna.

“We pride ourselves to create a stadium-like feeling, a beautiful setting as for triathlon we looked at what kind of nice destinations and locations around Europe. A little bit unique but not so something that everybody has heard about but that would feature a great race. And we thought that Malta has this extremely beautiful.”

Dan l-avveniment sportiv, li hu bla ħlas, kapaċi jiskopri talenti ġodda fosthom żgħażagħ Maltin. “We’re working with Sports Malta to do lots of activities and to build a fan-zone where can eat, drink, have free zumba classes, training sessions, watch the race with a bit of djing, a bit of fine music. It would be a good atmosphere.”

Il-Ministru għat-Turiżmu, Konrad Mizzi, qal li avvenimenti bħal dawn jiġbdu lejn Malta turisti ta’ kwalità, fosthom mill-Amerka u l-Asja, li jħallu iktar flus fl-ekonomija. “Biex inġibu dawn it-turisti jrid ikollok events x’tagħmel. Events ta’ spettaklu, teatru, events ta’ mużika u iva, anki sports. Dan it-tip ta’ leisure jħeġġeġ aktar nies jiġu lejn pajjiżna u toħloq attrazzjoni għal swieq li bħalissa ma jeżistux. Jien persważ li b’dawn l-events se jpoġġu lil Malta fuq il-mappa.”

Huwa stmat li madwar 500 atleta se jattendu għal din l-edizzjoni tas-Super League Triathlon bi tħejjija għall-Olimpjadi tas-sajf li ġej.

Aħbarijiet Oħra
Ambjent

Il-Wasteserv bdiet il-proċess biex tkabbar il-faċilitajiet tagħha fil-Magħtab. Madwar għoxrin bidwi fl-inħawi li bejniethom għandhom madwar 250,000 metru kwadru ta’ raba’ ġew infurmati li l-Wasteserv qed tikkunsidra li tespropja din…

Kronaka

Raġel ta’ nazzjonalità barranija ġie arrestat wara li allegatament saq fuq uffiċjal tal-pulizija. L-inċident seħħ għall-ħabta tas-17:30 fl-akkwati ta’ Buġibba u ġie arrestat ftit tal-ħin wara fil-Mellieħa. Aktar dettalji fil-ħin…

Lokali

Il-kumpanija Steward Health Care Malta ppreżentat lill-Awtorita tal-Ippjanar applikazzjoni ta’ żvilupp għall-Isptar San Luqa biex fi kliemha jerġa’ jingħata l-ħajja bħala sptar modern li jinkludi aċċessibiltà aħjar għall-ispazji miftuħin u…

Għawdex

Għadha attiva ħafna fuq l-aġenda tal-gvern l-idea li Malta jkollha sistema ta’ metro, tant li l-Ministru Ian Borg ikkonferma ma’ TVM li l-istudju dwar dan jinsab fl-aħħar fażi tiegħu u…

Aktar