Malta se tipparteċipa fi proġett Ewropew dwar l-immaniġġjar tal-miżbliet

Wasteserv flimkien mal-Awtorità tal-Ambjent u r-Riżorsi se jkunu qed jipparteċipaw f’‘Interreg’, proġett Ewropew li għandu l-għan li jtejjeb il-politika tal-immaniġġjar tal-miżbliet tar-reġjuni u l-pajjiżi li qed jipparteċipaw. Fi stqarrija Wasteserv qalet li l-proġett bl-isem COCOON se jkollu budget ta’ madwar €14-il miljun, b’madwar €176,000 se jmorru biex jiffinanzjaw 85% tax-xogħol li se jagħmlu l-Maltin fuq dan il-proġett. F’dan il-proġett Wasteserv ħa taħdem fuq il-viżjoni tagħha li toħloq riżorsi mill-iskart.

Wasteserv sostniet li l-proġett tal-entità Belġjana I-Cleantech Flanders se jieħu 60 xahar b’kollox u se jibqa’ għaddej sa Frar ta’ 2022, bil-parteċipazzjoni ta’ tmien entitajiet minn Ċipru, il-Belġju, l-Olanda, Spanja u Malta.

Intqal li l-għan tal-proġett huwa għal żvilupp, integrità u titjib fis-strumenti politiċi. Dan filwaqt li jiżdiedu s-sussidji minn programmi ta’ kif jaħdmu l-miżbliet, u reġjuni Ewropej jingħaqdu flimkien biex jaraw l-aħjar metodi biex jaħdmu. Eventwalment b’dan il-proġett mistenni li tiġi rkuprata aktar art, u jiġi evitat periklu ambjentali. Wasteserv qalet li dawn il-proġetti ta’ mmanġjar tal-miżbliet ikabbru l-ekonomija u joħolqu aktar impjiegi favur l-ambjent.

Aħbarijiet Oħra
Kronaka

Il-Pulizija qed tfittex lil dan ir-raġel filwaqt li qed titlob l-għajnuna tal-pubbliku. Ir-raġel qed jiġi mfittex fuq allegat każ ta’ stupru. Jekk xi ħadd għandu xi informazzjoni jista’ jikkuntattja lill-pulizija…

Droga

Raġel ta’ 34 sena mit-Togo li ntbagħat il-ħabs wara li pprova jitlaq minn Malta b’passaport falz, instab li kien fil-pussess tad-droga. Is-sejba saret minn scanner tal-Faċilità Korrettiva ta’ Kordin malli…

Edukazzjoni

Aktar minn terz tal-popolazzjoni ta’ Ġibiltà għandha għeruq Maltin li jmorru lura għall-emigrazzjoni lejn dan it-territorju Ingliż, fil-punent tal-Mediterran. Dixxendenti Maltin f’Ġibiltà huma rispettati ħafna, b’uħud okkupaw karigi importanti fil-politika,…

Aktar