Politika
Malta tikseb punti tajba fi klassifika li tkejjel il-libertajiet fil-pajjiżi

Malta kklassifikat fost l-iktar pajjiżi ħielsa fid-dinja, b’punteġġ ta’ 91, f’rapport tal-aġenzija internazzjonali Freedom House.

Malta ngħatat il-massimu tal-punti fil-kejl ġeneriku tal-libertà, segwit minn punti tajba fil-libertajiet ċivili u fit-tielet post id-drittijiet politiċi.

L-ogħla punteġġ possibbli huwa 100, u nkiseb minn tliet pajjiżi Nordiċi; il-Finlandja, in-Norveġja u l-Iżvezja.

Pajjiżi li kklassifikaw fl-istess livell ta’ Malta kienu l-Costa Rica, il-Bahamas, il-Litwanja, ir-Repubblika Ċeka, u l-gżejjer St Vincent.

Intant, pajjiżi fl-Unjoni Ewropea bħal Franza, l-Italja, il-Greċja u l-Polonja kisbu inqas punti minn Malta.

Ara hawn il-lista’ ta’ pajjiżi li klassifikaw aħjar minn Malta jew fl-istess livell.