Ekonomija u Finanzi
Malta tinsisti mal-UE li tibqa’ tgawdi mill-fondi ta’ koeżjoni

Ir-rapport ekonomiku u soċjali dwar Malta li tħabbar ix-xahar l-ieħor mill-Kummissjoni Ewropea ġie diskuss f’konferenza, bis-sehem fost oħrajn, tad-Deputat Segretarju ġenerali tal-Kummissjoni Ewropea. Il-konferenza trattat ukoll l-andament tal-ekonomija Maltija u l-isfidi li għandha quddiemha.

Fil-konferenza sar l-argument li dawn l-isfidi jistgħu jingħelbu jekk Malta jibqa’ jkollha l-finanzjament Ewropew bil-fondi tal-koeżjoni.

Żewġ uffiċjali għolja tal-kummissjoni Ewropea ħadu sehem fi preżentazzjoni dwar ir-rapport tal-Kummissjoni dwar Malta li jittratta l-aspetti ekonomiċi u soċjali.

F’konferenza organizzata mir-rappreżentanza tal-Kummissjoni Ewropea f’Malta, d-Direttur fid-direttorat ġenerali dwar l-ekonomija u l-finanzi Benjamin Angel stqarr li t-tkabbir ekonomiku ta’ 6.2% li Malta kellha s-sena l-oħra issorprenda lill-Kummissjoni Ewropea. Qal li dan it-tkabbir huwa kważi daqs taċ-Ċina.

Is-sur Angel qal li Malta xorta għandha numru ta’ sfidi li trid tindirizza. “There are clearly the need in Malta for further investment to try to alleviate the road congestion that you have at the moment, in waste management, in skills and skilling of the people where Malta scores quite poorly when compared to the EU average in this field, we also flagged issues with the sustainability of the pensions.”

Il-kap tar-rappreżentanza tal-kummissjoni Ewropea f’Malta, Dr Elena Grech qalet li f’għajnejn il-Kummissjoni, Malta għamlet progress kbir, li jrid jigi sostnut. “Il-previzjonijiet tal-Kummissjoni huma li dan it-tkabbir ftit jew wisq bilfors għandu jonqos ftit sakemm jistabilizza, però hija impressjonata bil-kisbiet li għamlet Malta bit-tkabbir li kellha fl-ekonomija.”

Is-Segretarju Parlamentari għall-Fondi Ewropej, Aaron Farrugia, qal li l-isfidi li elenkat il-kummissjoni jistgħu jiġu indirizzati bil-fondi ta’ koeżjoni għas-seba snin li jmiss. “Allura qegħdin nikkonvinċu bl-argumenti tagħna li Malta għandha bzonn aktar investiment, aktar fondi Ewropej.”

Tqanqlu wkoll il-punti li saru fir-rapport dwar il-korruzzjoni u l-ħasil tal-flus, bid-Deputat Segretarju Ġenerali tal-Kummissjoni Celine Gauer qalet li Malta għadha m’għamlitx biżżejjed fil-ġlieda kontra l-korruzzjoni.

Dwar dan il-Ministru tal-Finanzi Edward Scicluna qal li l-Gvern qed isaħħaħ l-awtoritajiet regolatorji b’47 mizura li qed jitwettqu fuq medda ta’ 3 snin. “L-FIAU għandha l-pjan tagħha illi l-European Banking Authority qed taċċetta u hija kuntenta bih u trid tagħmel l-istess ħaġa l-MFSA.”

Il-Ministru Scicluna qal li l-Gvern huwa kommess li tkabbir ekonomiku ikun mifrux mal-ekonomija kollha u jkun jinħass miċ-ċittadini kollha Maltin.

Aħbarijiet Oħra
Agrikultura

Il-pitkala kollha se jingħataw għodda teknoloġika biex jibdew jirreġistraw il-prodotti kollha f’sistema komuni li se tkun aktar trasparenti u biha jkun hemm rendikont aġġornat tal-prodotti li nbigħu, il-prezzijiet u x’fadal….

Politika

Il-Kap tal-Oppożizzjoni u tal-Partit Nazzjonalista, Adrian Delia, qal li hu għadu l-Kap tal-Oppożizzjoni u tal-Partit Nazzjonalista. “Kien hemm aħbarijiet fuq il-midja li diġà Kap tal-Oppożizzjoni ġdid u ssemmiet l-Onorevoli Therese…

Politika

Fl-aħħar sigħat il-President ta’ Malta George Vella ltaqa’ ma’ diversi deputati tal-Partit Nazzjonalista fil-Palazz ta’ Sant’ Anton. Fost id-deputati li diġà kellhom laqgħa mal-President Vella kien hemm Beppe Fenech Adami,…

Aktar