Lokali
Malta titlef social worker – tħeġġeġ lit-tfajliet biex jemmnu fihom infushom

“Li kieku kelli nirbaħ it-titlu ta’ Miss Universe nixtieq inħeġġeġ lil dawk it-tfajliet kollha li forsi ma jemmnux fihom infushom u ngħidilhom li s-sbuħija tagħkom hija min intom minn ġewwa, li tkun kind hearted, caring, responsabbli u temmnu fikom infuskom u temmnu fl-abbilitajiet tagħkom u tgħinu li ħaddieħor”.

Dan huwa l-messaġġ li Christa Formosa għamlet tmien xhur ilu, meta ħadet sehem f’Miss Universe Malta. Messaġġ li jirrifletti l-Ħsieb ta’ dawk kollha qrib tagħha li se jibqgħu jiftakruha bħala bniedma ottimista, determinata u maħbuba għall-karattru ferrieħi u għall-qalb tad-deheb tagħha. Ta’ 23 sena mietet fl-isptar fl-aĦjar ta’ żgħożita sigħat biss wara li weġġgħet gravi meta tilfet il-kontroll tal-karozza fi Triq Għajn Riħana, f’Burmarrad.

Christa ggradwat f’Novembru li għadda u kienet taħdem bħala social workers mal-Fondazzjoni tas-Servizzi għall-Ħarsien Soċjali. Għamlet it-teżi tagħha fuq it-tfal ta’ ġenituri li għandhom problemi ta’ saħħa mentali. Bħala deliżju kienet timmudella. Kienet mgħonija bil-kwalitajiet tas-sbuħija kif stqarr ma’ TVM is-sieħeb tagħha, Carlo Ellul, li stqarr li “mill-ewwel sekonda li rajha rajt fiha t-tfajla perfetta”. Żied jgħid li “qatt ma rajt wiċċ isbaħ minn tagħha.”

Fuq Facebook ukoll, ħuha, Nicky Formosa ġedded ukoll il-memorja t’oħtu fi tfulithom, b’ritratt tagħhom it-tnejn meta kienu għadhom tfal żgħar.

Bosta ħbieb tagħha fuq il-midja soċjali esprimew id-dieqa tagħhom wara t-telf ta Cristina li tilfet il-battalja mal-mewt tard is-sibt bil-lejl. Waqt li taw il-kondoljanzi tagħhom lill-qraba ta’ Christa, għażlu li jfakkru l-memorja ta’ Christa billi qasmu ritratti u memorji tagħha.

Ara wkoll:

Tmut it-tfajla li kienet involuta fl-inċident f’Burmarrad ilbieraħ

Min kienet Christa Formosa?

Qatt ma rajt wiċċ isbaħ minn tagħha – jitkellem is-sieħeb ta’ Christa

It-tbissima tagħha mhu se tmut qatt – ħbieb ta’ Christa

Aħbarijiet Oħra
COVID-19

Il-mediċina u l-ikel huma fost l-aktar prodotti essenzjali li mingħajrhom Malta ma tgħaddix fi żmien ta’ pandemija. Tliet xufiera Maltin li jaħdmu ma’ kumpanija lokali tal-loġistika rifsu Malta għall-ewwel darba…

Lokali

Fil-fehma tad-Dekan tal-Fakultà għat-Tisħiħ tas-Soċjetà, il-Professur Andrew Azzopardi, il-ġlieda kontra d-droga u l-kultura tal-flus huma kruċjali biex iż-żgħażagħ ma jaqbdux it-triq tal-kriminalità li studju juru li jekk jidħlu fiha minn…

Kronaka

Il-pulizija qed tfittex raġel li wara nofsinhar daħal jisraq minn dar ta’ anzjana f’San Ġiljan. Il-pulizija qalet li ġiet informata bis-serqa minn residenza fi Triq Ċensu Tabone li tinsab fiż-żona…

Infrastruttura

Dik li kienet il-Biċċerija l-Antika lejn in-naħa t’isfel tal-Belt, mix-xahar id-dieħel se tkun il-Valletta Design Cluster – proġett li ser ikun wirt ieħor li jibqa’ minn fost kullana ta’ inizjattivi…

Aktar