Lokali
Malta u l-ħobż biż-żejt – temi ċentrali fil-film Love to Paradise

Malta tista’ titqies bħala wieħed mill-karattri ewlenin f’film li jitratta l-esperjenza ta’ mħabba li nibtet f’Malta bejn koppja żagħżugħa. Il-film, produzzjoni ta’ Malti Awstraljan, jieħu l-ħajja ta’ kuljum u l-attrazzjonijiet ewlenin ta’ Malta fis-swali taċ-ċinema.

Kartolini ta’ Malta joffru sfond mill-isbaħ għal storja ta’ mħabba ta’ koppja żagħżugħa f’film li juri aspetti differenti tal-identità Maltija.

Love to Paradise jitratta l-istorja ta’ turist Amerikan interpretat minn Myko Olivier li ħa sehem fis-serje Amerikana ‘Glee’, li waqt btala f’Malta sab l-imħabba f’artista lokali, interpretata mill-attriċi Marysia Peres li ħadet sehem fil-fim Assassin’s Creed.

Il-film hu prodott ta’ direttur Malti-Awstraljan, Julian Galea, li spjega ma’ Television Malta kif permezz tal-film ried joħroġ l-għeruq tiegħu.

“There is a lot of huge hollywood blockbuster which are shot in malta but they never showcase the culture and vibrances and history only use fortresses for production design. I wanted to show Malta for its culture and its vibrancy and aesthetic as well,” qal Galea.

Il-film ħareġ fis-swali taċ-ċinema fl-Awstralja x-xahar li għadda u bħalissa qed jintwera wkoll f’Malta. Julian Galea, li hu iben Maltin li fis-sittinijiet emigraw lejn l-Awstralja, tkellem dwar is-sens ta’ nostalġija li l-film qajjem fost il-Maltin fl-Awstralja. “There is a recurring theme in the film; ħobż biż-żejt, I grew up my whole life eating it, my mum used to pack it for me.”

Qal li tmien snin ilu telaq ix-xogħol tiegħu bħala bennej, biegħ kollox u mar New York biex jitħarreġ fil-produzzjoni tal-films. Żied jgħid li għandu l-ħsieb li jiġbed aktar produzzjonijiet f’Malta. “Perfect production landscape to shoot a film – long shooting hours, minimal rain but also the vibrancy it brings on location.”

Love to Paradise rebaħ l-unur tal-aqwa film fil-Malta Film Festival.

Aħbarijiet Oħra
Lokali

“Għajnu Aħmar it-Tonn” jew “It-Tonn tal-Melliħin” kienet l-għajta tas-sajjieda Melliħin li sal-bidu tas-sittinijiet kienu jbiegħu t-tonn li jaqbdu bit-Tunnara. Is-sajd bit-tunnara nqata’ iżda fil-mużew tat-Tunnara fil-bajja tal-Mellieħa, għaqda volontarja Melliħija ikkonservat…

Pulizija

Fl-aħħar xahrejn, l-uċuħ ta’ erba’ Pulizija saru familjari mal-komunità tal-Mellieħa. Ir-residenti laqgħuhom u jqisuhom “ta’ ġewwa”. Dawn l-erba’ uffiċċjali jiffurmaw l-ewwel Community Policing Team fi proġett pilota mniedi mill-Korp. Intervistat…

Malta

Fil-Greċja, hemm madwar 3,500 persuna b’konnessjonijiet Maltin, il-maġġoranza f’Korfu fejn jgħixu Griegi b’nisel Malti li saħansitra jwasslu sar-raba’ u l-ħames ġenerazzjoni. Waqt żjara fil-Greċja, il-President George Vella ltaqa’ ma’ rappreżentanti…

Aktar