Saħħa
Maltin joħolqu kalzetta li tgħin lid-dijabetiċi ma jitilfux saqajhom

Kalzetta b’għadd ta’ sensors li ġiet żviluppata minn riċerkaturi Maltin, tista tgħin persuni bid-dijabete milli jaslu fil-punt li jkollhom jitilfu xi parti minn saqajhom. Dan kien wieħed mill-proġetti li ġie identifikat mit-Takeoff Seed Fund tal-Università, fost seba’ proġetti li bejniethom ngħataw €100,000 talli żviluppaw ideat innovattivi fi proġetti li jagħmlu d-differenza fil-ħajja tal-bniedem.

Għaxra fil-mija tal-popolazzjoni Maltija tbati bid-dijabete, li tista’ twassal għal bosta kumplikazzjonijiet speċjalment fis-saqajn. Il-podjatra Stephen Mizzi qal li kawża tad-dijabete, mal-400 pazjent kull sena jitilfu parti minn subgħajhom jew saqajhom b’implikazzjonijiet serji fuq il-kwalità tal-ħajja tagħhom.

Bil-għan li anqas nies ikollhom jgħaddu minn dan, Dr Stephen Mizzi u Dr Owen Falzon qed jaħdmu fuq kalzetta li tanalizza s-sieq waqt li persuna dijabetika tkun għaddejja bl-attivitajiet matul il-ġurnata.

“Għandha ammont ta’ sensors f’kalzetta li tinkorpora s-sieq kollha, li d-data, l-informazzjoni tittieħed minn dawn is-sensors jiġu analizzati in real time – dak il-ħin stess – biex dak il-ħin tallertja lill-individwu li liebes il-kalzetta, ikun imqabbad mal-mobile, pereżempju tibgħatlu messaġġ, u tinformah jekk hemmx possibilità li tinħoloq ferita jew problema f’saqajh qabel ma attwalment tinħoloq, u tagħtih anke rakkomandazzjonijiet x’għandu jagħmel,” qal Dr Mizzi.

Dan hu wieħed mis-seba’ timijiet ta’ imprendituri u riċerkaturi, li bejniethom rċevew total ta’ €100,000 fil-ħames edizzjoi tat-TAKEOFF Seed Fund Awards.

L-ideat ivarjaw minn ġugarell li jiffaċilità t-terapija tal-lingwa għat-tfal, metodu ġdid ta’ tqegħid ta’ turbini tar-riħ li jżommu f’wiċċ l-ilma ‘l barra mix-xtut bi strutturi f’forma ta’ pjattaforma, għal sit fuq l-internet li jlaqqa’ koppji li jridu jiżżewġu ma’ bejjiegħa ta’ prodotti tat-tiġijiet u birrerija għal klijenti li jixtieq li jkollhom il-birra unika għalihom.

Inizjattiva oħra hi ta’ tliet ta’ studenti universtitaji u lettur tagħhom, li qed jaħdmu fuq app li toffri forma differenti ta’ lezzjonijiet privati mill-istudenti għall-istudenti. Jake Xuereb qal li l-pjan hu li din l-app titnieda fil-bidu tas-sena akkademika li jmiss f’Ottubru li ġej.

“Immaġina li jiena student qiegħed fis-sixth form għandi test il-ġimgħa d-dieħla fil-Maths u qiegħed gravi x’ħa nagħmel? Niftaħ l-app ikolli search bar infittex sixth form Maths f’din is-search bar u jtellagħli n-numru ta’ profili ta’ studenti universitarji bil-kwalifiakzzjonijiet tagħhom reviews ta’ nies oħrajn,” qal Xuereb.

Il-Ministru għall-Ekonomija, Investiment u Intrapriżi Żgħar Chris Cardona qal li din is-sena kien hemm 39 sotomissjoni ta’ intraprendituri li esprimew interess f’dawn il-fondi.

Ir-rettur tal-Universita’, il-Professur Alfred Vella qal li TAKEOFF Seed Fund Award diġà għen numru ta’ intrapriżi ġodda u riċerkaturi jagħmlu dik il-qabża biex l-inizjattiva tagħhom tirnexxi.

Aħbarijiet Oħra
Trasport

Minn għada t-Tnejn, l-ewwel ta’ Ġunju, ser jerġgħu jitħallew isiru l-eżamijiet, kemm prattiċi u tat-teorija, għal-liċenzji tas-sewqan. L-eżamijiet kienu twaqqfu lura f’Marzu minħabba l-imxija tal-COVID-19 u issa ser ikomplu b’għadd…

Lokali

Inkjesta Maġisterjali li nvestigat denunzji li tressqu mill-għaqda Repubblika b’allegazzjonijiet dwar qtil ta’ immigranti, u attentat ta’ qtil ta’ oħrajn ix-xahar li għadda, sabet li dawn ma kinux imsejsa fuq…

Infrastruttura

Il-ħsara fil-parti ta’ fuq tat-telgħa tas-Saqqajja mhix żgħira, b’din l-arterja prinċipali tat-traffiku fir-Rabat jaf ikollha tibqa’ magħluqa għall-karozzi diversi ġimgħat. Għal Infrastructure Malta l-interventi li se jsiru mhumiex sempliċi xogħol…

Ekonomija u Finanzi

Għalkemm minn tmiem il-ġimgħa li għaddiet beda jitbexxa l-bieb biex terġa’ tibda l-attività ekonomika fil-pajjiż, stħarriġ xjentikfu li sar minn Dr Vincent Marmara juri li d-domanda mill-konsumaturi ser tibqa’ kajman…

Aktar