Qorti
Mara akkużata bl-attentat ta’ qtil tal-eks raġel tgħid li stupraha

Mara li qed tiġi akkużata bl-attentat ta’ qtil tal-eks raġel tagħha x-xahar li għadda, allegatament ġiet stuprata minnu meta fi tmiem il-ġimgħa kisser il-bieb u daħal f’darha. Dan ħareġ illum waqt il-kumpilazzjoni fil-każ tal-attentat ta’ qtil.

Il-Qorti, ippreseduta mill-Maġistrat Caroline Farrugia Frendo, semgħet kif meta seħħ l-allegat stupru, il-mara kienet ingħatat il-ħelsien mill-arrest, waqt li kienet qed tiffaċċja akkużi li tat daqqa ta’ sikkina lill-eks raġel.

Il-mara kienet marbuta bil-kundizzjoni li ma tersaqx lejn l-eks raġel tagħha, iżda bħala l-vittma huwa ma kienx marbut bl-istess ordni.

Il-ġimgħa l-oħra r-raġel mar id-dar tal-eks martu, fejn allegatament stupraha, liema inċident intqal li nqabad fuq filmat bil-mobile. Intqal li r-raġel kien diġà hedded lill-mara drabi oħra.

Huwa rritotna f’darha għat-tieni darba, iżda hawn twaqqaf mill-Pulizija li marru fuq il-post meta l-mara rrapportat l-istupru.

Fid-dawl ta’ dawn l-iżviluppi, il-każ ġie aġġornat għal Novembru.

Aħbarijiet Oħra
Pulizija

Il-Korp tal-Pulizija qal li mindu bdiet l-investigazzjoni fis-Sezzjoni tat-Traffiku, 34 uffiċjali jinsabu fuq police bail. Minn dawn, 28 huma sospiżi u qegħdin fuq police bail, 6 rtiraw bil-pensjoni u qegħdin…

Lokali

Il-koppja Marvic u Donovan Scerri qed jippjanaw li jmorru Spanja biex jagħmlu l-proċedura tal-IVF f’dan il-pajjiż li jippermetti li jsir test ġenetiku tal-embrijun qabel ikun impjantat fil-ġuf tal-omm biex ikun…

Lokali

Il-Federazzjoni tal-Produtturi tal-Akwakultura qed tipproponi 20 miżura biex jissaħħaħ il-monitoraġġ u l-kontrolli fl-industrija tat-tonn kemm fuq il-baħar kif ukoll fuq l-art. Il-Federazzjoni tal-Produtturi tal-Akwakultura qed issejjaħ għal miżuri ta’ kontroll…

Aktar